Latest News

LADC huamchhunga VC inthlanna March 25, 2014-ah nei dawn.

Mizoram State Election Commission (SEC) chuan Lai Autonomous District Council hnuaia Village Council 93-a inthlan hun atan thlaleh ni 25 a ruat a, VC Inthlan ni tur hi nimin khan SEC Secretary Pu H.Darzika’n a puang a, Vote tla te chu vote thlak zawh veleh vote thlak ni la la in chhiar nghal a ni ang a. Inthlan \hat ngai a awm a nih chuan ni 26-ah inthlan \hatna neih tura ruahman a ni.
Inthlanah neih turah hian Village Council 93-ah seat 1 zel hmeichhe tan hauhsak a ni dawn a, hei hi Mizorama a awm \um 1-na tur a ni a, hmeichhia te hian seat hauhsak bakah General Seat pawh an chuh thei bawk ang a. Reserve seat a hmeichhe in candidate te tan Ballot paper pawh a hrana siam a ni dawn a ni. Hei bakah hian tun hmaa la tih ngai loh angin Village Council Member thlan tlin te hian kum 5 term an chelh dawn bawk a, hei bakah hian Village Assembly, vote nei zawng zawng telna din a ni ang a, he Assembly hian Village Council hnathawh an endik \hin dawn a ni. He inthlan atan hian Observer 3 leh Sector Officer 10 ruat an ni a, Polling Station venhim ngai zual bik a awm dawnloh avangin, tlawmngai pawl te inthlanna muanawm leh felfai neih a nih theih nan \angkai taka hman tum a ni. He inthlanna neih tur puan a nih tak avang hian LADC huamchhunga Model Code of Conducts hman nghal a ni a, LADC-ah hian vote nei thei mi 45,710 an awm a, heng zinga mi 22,398 chu mipa niin, mi 23,312 chu hmeichhia an ni. LADC Area chhungah hian In 12,710 a awm a, Village Council chhunga In 50-150 awm chinin V/C seat 4, In 151-300 in seat 5 leh In 301 atanga a chung lamin seat 7 zel an nei thei a ni.

Comments

Popular News (Last 30 Days)