Mizoram tlawhtu 14th Finance Commission-ah Mizoram sorkar mamawh hrang hrang lo thlen a ni.

Mizoram tlawha rawn zin 14th Finance Commission Member te chuan nimin khan Chief Minister Pu Lal Thanhawla kaihhruaiin Mizoram sorkar hotu lian te kawmin thil pawimawh hrang hrang an sawiho.

He inkawmhona Legislative Assembly Annexe Conference Hall-a neih hi Mizoram Chief Minister, Pu Lal Thanhawla chuan kaihruaiin Chief Minister chuan GSDP leh Human Development Index-a Mizoram chu nasa taka a \han thu sawiin, hetih laiin hmasawnna ruhrel tlakchhamna avanga retheihna leh eizawnna nghet neilo tam tak a hrin phah thu sawiin, Mizoram sorkar chuan sum hailuhna - tax leh non-tax ah \an la hle mahse tax devolution tam zawk leh grants kan mamawh reng thu a sawi a, cess leh surcharge chu sharable pool-a siam tur leh State chanvo, aggregate share pawh 50% a tinsan nise tiin, Special Category State kan nih angin central sorkarin chhiah tlingkhawm a\anga min pek \hin 0.3% aia tlem chu 1% ah tal fix theih nise tiin a thlen bawk a. Ramngaw leh forest cover atan kaldan phung bakah 60% step up siam tura Commission hi ngenin, Sorkarin leiba a neihte hi Commission in a award period chhunga thaibo sak turin a ngen bawk a. Local bodies te leh Autonomous Council te tan sum tam zawk ruahman saka, alo berah cheng vbc. 8047 Crore dah sak tura ngenin Memorandum a telh hmaih palh Education Reform Commission Report tihpuitlin nana sum mamawh chu Supplementary Memorandum anga thehluh leh Commission hnena a ngen nghalna chu an remti bawk a ni.
    Hei bakah hian Chief Minister chuan Mizoram sorkar in 14th Finance Commission-ah hian kawng hrang hranga sum mamawh turte tarlangin Memorandum a thehlut a, sum mamawh tur zawng zawng hi cheng vbc. 48164.05 a ni a. Memorandum-ah hian state te te tana an tih ve tur an phut \hin hi tih hlawhtlin a harsat \hin avangin an thilphut te hi tinep turin ngen a ni a. Non-Plan Revenue Deficit Grant hnuaia sorkar hnathawk hlawh tur, a pangngai a dah anih bakah, 7th Pay Commission lo chhuah hun atana lo inruahmanna turte, contract employees leh muster roll employees te regularize na tur te, post ruak pawimawh tak, sum awm loh avanga hnawh khah theih loh hnawh khawhna tur te Memorandum-ah hian dah a ni bawk.
    Memorandum-ah hian State Specific Needs hnuaia department 32 leh ADC 3 te bakah State Information Commission leh AMC te’n infrastructure development atana rawtna te dah tel a ni bawk a. Lokayukta dinna tur te, District thar hawnna turte, Mizoram House te chei \hatna tur atan te, Food Security Act tihpuitlinna tur atan te, National leh State Disaster Response Force Training Centre tur atan leh Operation Centre tur te, lemchan lam tih hmasawnna tura Film City dinna turte, Media leh Film Facilitation Centre sakna tur te, department hrang hrang building leh quarters sakna tur te leh Aizawl khawpui chhunga ropeway siamna tur te dah tel a ni. He hunah hian Finance Commission pawhin Chief Minister leh sorkar hotute a\anga \awiawmna \ha tak an dawng chu lawmawm an tih thu sawiin, an thil ngaihpawimawh an thehluhte chu Commission \hutkhawm huna uluk taka an lo sawiho tur thu an sawi a, Mizoram sorkar nen inpawhtawn taka an kal tur thu an tarlang bawk a ni.