Lenkawl

Nimin khan Serchhip District-ah hri kai hmuh thar mi 105 zet an awm.

Pathianni khan Mizoram-ah Sample 2805 enfiah niin heng atang hian COVID-19 hri kai 806 hmuhchhuah an ni a, hri kai hmuhchhuah hi tlem mah se Sample enfiah atanga chhut chuan za zela 28.73 zetin hri hi an kai a ni.

Serchhip ICDS Project-a Child Development Project Officer (CDPO) Lalbiakliana chu Pension in a chhuak ta a, Serchhip ICDS Project-a CDPO hna hi Sangau CDPO hna chelh mektu R. Vanlalhriata chuana kawp rih dawn a, nimin khan mawhphurhna pawh an inhlan nghal a ni.

Serchhip District chhung khaw 7 te Hmun khuahkhirh bik-a puan an nihna chu hlih a ni ve leh ta.

Serchhip Block Congress Committee President thar atan Lalramnghaka Kawlni chu thlan a ni. Serchhip Block Congress Committee hian nimin khan New Serchhip YMA Hall-ah kum 2022-2024 chhunga hruaitu tur thlanna an nei a, President atan Lalramnghaka Kawlni (Tuikhuah Veng); Vice President-ah T. Zabiaka (Dinthar Veng); Treasurer-ah F. Lalhmunliana (New Ser-chhip) leh MCC Member atan F. Malsawmtluanga (Leisang Veng) te thlan an ni. Nimin a inthlanna ah hian Vote 161 a tla a, hruaitu dinglai te chuan tun inthlan ah hian an chuh tawh lo tih kan thudawnna chuan a sawi bawk.

Serchhip Mat phai Zawlpui Zau-a Leilet nei-tute chuan nikum (2021) khan Buh phur 4774 an thar thu an sawi.

Inkaihhruaina hman zui tur

COVID-19 hri kaite hri kai eng chi ber nge tih hriat theihna atana Zoram Medical College (ZMC)-a Genome Sequencing tihna khawl chu tun thlengin hman tangkai theih a la ni lo.

Sakawrhmuituai tlang-a Skywalk leh Chaltlang-Durtlang inkara Ropeway siam chungchang thubuai chu a chhuitu (Preliminary Inquiry) Anti-Corruption Bureau (ACB) lamin an chhuina report Lokayukta-ah an la thehluh loh vangin thubuai kal zel dan tur hriat theih a la ni lo.

Lawngtlai District-ah Myanamr atanga raltlan rawn lut mi 5300 zet chhinchhiah a ni tawh.