Hri kai hmuh thar 806 awmin mi 1740 enkawl dam

Pathianni khan Mizoram-ah Sample 2805 enfiah niin heng atang hian COVID-19 hri kai 806 hmuhchhuah an ni a, hri kai hmuhchhuah hi tlem mah se Sample enfiah atanga chhut chuan za zela 28.73 zetin hri hi an kai a ni.

Pathianni khan Mizoram-ah RT-PCR hmanga Sample enfiah awm lovin Fluorescent Immunoassay Test hmangin Sample enfiah a awm lo bawk a. Serchhip leh Lunglei-a TrueNat Laboratory atangin Sample 34 enfiah niin heng atang hian hri kai mi 11 hmuhchhuah niin an zinga 10 hi Serchhip niin midang pakhat hi Lunglei a hmuhchhuah a ni.

Rapid Antigen Test hmangin Sample 2771 enfiah niin hri kai mi 795 hmuh an ni a, an zinga 516 te chu Aizawl District-a hri kai hmuh te an ni a, Saitual District-ah hri kai mi 99 hmuh niin Mamit District-ah 55, Lunglei District-ah 51, Kolasib District-ah 45, Serchhip District-ah 17, Lawngtlai District-ah 11 leh Siaha District-ah hri kai mi pakhat hmuh an ni bawk.

Nimin khan Mizoram-ah hri kai mi 1740 te enkawl dam an ni leh bawk a, heti hian nimin tlai thleng khan Mizoram-a hri kai hmuhchhuah tawh chu 1,72,491 niin an zinga 1,59,324 te chu enkawl dam an ni tawh a, hri kai hmuhchhuah atanga za zela 92,37 te chu enkawl dam ni tawhin hri kai enkawllai 12,559 an la awm a, hri kai zingah mi 609 an boral tawh bawk a. Aizawl District chu hri kai enkawllai tamna ber la niin mi 7964 enkawllai an awm a, Mamit in dawtin mi 1054 enkawl mek an ni a, Saitual District-ah mi 802 enkawl an la ni bawk.