Lenkawl

Tlungvel-a Solar Plant siam mek chu a khaw neitu, Tlungvel khua in an chhar ve theih dawn loh avangin hnathawh mek chu chawlhtir a ni.

Social Welfare & Tribal Affairs Department Minister, Dr. K. Beichhua chuan nimin khan Shastri Bhawan, New Delhi-ah Union Minister of State for Tribal Affairs, Renuka Singh Saruta hmuin, Mizorama Eklayva Model Residential School (EMRS) chungchang a sawipui.

Serchhip Bazar-a chawhmeh leh thildang zuara eizawng, Serchhip Bazar Welfare Association chuan nimin khan Assembly vawi 36-na neiin hruaitu tur an thlang nghal.

Serchhip District Bawrhsap thar, Dr. Lalzirmawia Chhangte IAS chuan nimin khan a hna thar hi zawmin Serchhip District Bawrhsap hna a chelh tan.

Mizoram Pradesh Congress Committee (MPCC) pawhin nimin khan kumin atan Aizawl a Congress Bhavan chu hawngin an President, Lal Thanhawla chuan thu a sawi a ni.

MNF President leh Chief Minister, Zoramthanga chuan sawrkar-in Zu a khap chungchangah rin thu leh thil dang mi thenkhatin an bawlphuan nasa hle tih sawiin, “A zu zuar chi chuan kan kal dawn lo hrim hrim, Zu kan khap tlat dawn,” a ti.

Tripura Bru Relief Camp 6-a awm Mizorama vote nei, Tripura a awm hlen turte hming chu dan anga Mizoram Electoral Roll atanga paih tur a ni dawn a. Lok Sabha inthlanpui neih hnuhnung berah khan Tripura Relief Camp 6-a awm Bru zinga Mizoram-a vote nei hi mi 12,081 zet an awm a ni.

Serlui bialtu MLA leh Rubber & Allied Crops Development Board Vice Chairman, Lalrinsanga Ralte MLA chuan Bilkhawthlir leh Saiphai inkar kawng PMGSY sum hmanga siam mek leh NABARD sum hmanga Lei pathum an dawh mek te chu a hmunah kalin a enfiah.

Sawrkar laipui Ministry of Road Transport & Highways hnuaia National Highways and Infrastructure Development Corporation (NHIDCL) te chuan Aizawl to Tuipang, Double Lane tur a laihzau hna ngawrh takin an thawk mek.

Mizoram Pradesh Congress Committee (MPCC) chuan BJP-in Hindu lal ram din an tumna thil MNF party in a thlawp nia sawiin, hei vang hian kan hmaa Village Council leh Municipal Council inthlanna kan hmachhawn turah MNF Party chu Mizo mipuiin kan hnawla kan paihthlak ngei ngei a ngai niin an sawi.

Congress |halai, Mizoram Pradesh Youth Congress Committee (MPYCC) chuan ‘MNF sawrkar in ACB ku a phuar em ni?’ tia zawtin, Police te chu hnu chhui thei tak tak tura chhuah zalen tura sawrkar an phut thu an sawi.

Association for Voluntary Blood Donation (AVBD) General Hqrs. chuan sawrkar Blood Bank atanga thisen lakchhuah dan tur chungchanga ruahmanna siam thar chu uluk takin an thlir mek tih sawiin, Mizo mipuite chu chi-ai lo tur leh midang tana thisen pek kawngah hnual phah nana hmang lo turin an chah.

Serchhip District Anti-Tobacco Squad te hian Inrinni zing khan Serchhip Bazar leh a chhehvel hmun hrang hrang leh Serchhip damdawi In te tlawhin puipunna hmuna meizu an awm leh awmloh an enfiah a, heng hmun an enfiahna ah hian puipunna hmuna meizuk khapna dan bawhchhia a mei zu mi 2 manin heng mite hi dan angin pawisa chawitir nghal an ni bawk.

Mizoram Synod hnuaia  Family Guidance & Counselling Centre (FG&CC) Serchhip-a Councellor hna chelhtu, Rev. R. Ramnghinglova chu sawn niin a aiawh tur Rev. Lalhleia chu nimin khan Serchhip Kawnpui Kohhran Biak In-ah dahnghehna neih a ni a, Champhai leh Bawng-kawn-ah hetiang hna hi a lo chelh tawh a ni.

Presbyterian Church of India (PCI) chuan Inrinni, January 11, 2020 kha an Kohhran din-cham-ah hmangin Kohhran hrang hrangah hun hman a ni a, 'Mizoram Presbyterian Kohhran |obul-|hen I-na leh |hen II-na' chu zirho a ni a, Kohhran din tan ni atan January 11, 1894 pawm a nih hnuah kum 2016 Synod Inkhawmpui chuan he Ni hi Kohhran Ni pawimawh ah telh relin kumin atang hian Kohhran Inkhawm buat-saihin urhsun taka hman tan a ni.

Baptist Church of Mizoram (BCM) chuan Inrinni, January 11, 2020 khan Mizoram-a chan-chintha thlenna Ni, Missionary Day chu hmun hrang hrangah urhsun takin an hmang a. Nileng a inkhawm neiin Tualchhung Kohhran tam tak chuan ruai siamin zanlam thlengin hun an hmang a ni. January 11, 1894 khan Mizoram-a Missionary hmasa ber Sap Upa leh Pu Buanga-te chuan Sairang lo thlengin he Ni hi Mizoram-a Chanchintha thlen ni-ah hman a ni a, he Ni hi Kohhran hrang hrang ten urhsun taka hmang thinin Mizoram sawrkar pawhin Pisa chawlh-ah puangin urhsun taka hman thin a ni.

Thla thar-a Serchhip in Para-Gliding Accuracy World Cup a thlen tur atan chak taka inbuatsaihna kalpui mek zel niin a hun takah engkim peih hman beisei a ni.

Serchhip District Anti-Tobacco Squad chuan kum 2019 chhung khan Squad Drive tum 81 zet neiin dan bawhchhia mi 289 zet an man.

North Tripura Transit Camp paruk (6) atanga Mizoram mi leh sa nikum October leh November thla-a hruailet te tanpuina tura sawrkar laipui, Mizoram sawrkar, Tripura sawrkar leh MBDPF te'n inremna an lo siam tawh angin chawmdawlna sum, kum 2 chhung Term Deposit-a dahna Certificate chu niminpiah khan Mamit DC, Dr. Lalrozama chuan Bru rawn kir te awmna hmun khaw hrang hrangah kalchilhin a hlan a.

Mizoram sawrkar Health Department chuan thuchhuah siamin Private Hospital-a thisen pek tur Hospital Blood Bank atanga lak chhuah chungchangah Damlo thisen mamawhte tumah lo chi-ai lo turin an hriattir a. Thisen la tur tana phalna leh hriatpuina lakna tur ruahmanna a siam nghal bawk.