Thinglubul ram panna PCC a siam hna thawh mek a ni

Serchhip Mat Phai-a Chawm Lei atanga Thinglubul Zau (Kai thumna) panna kawng chu PCC-a siam hna thawh mek a ni.
International Fund for Agricultural Development (IFAD) atanga sum hmuh hmanga he kawng siam mek hi KM 6.4-a thui tura ruahman niin Plain Cement Concrete (PCC)-a chhun a nih hma hian a kawng chhuat ah GSB metres 3-a zau phah a ni a, chumi chungah chuan metres 2.5-a zau, Inches 4-a chhahin PCC hi chhun a ni a, Senhri Consultancy Firm chuan he hna hi thawkin tun thlengin Metres 240-a thui PCC hi chhun a ni tawh a, Furpui thlen hma ngeia chhun zawh hman an inbeisei thu he hna thawktute chuan an sawi a ni.


ZPM Serchhip Block Thalai te chuan he kawng siam hna thaw mek hi kar hmasa khan a hmunah tlawhin hnathawktute nen tha taka he hna thawh a nih theih dan tur an sawiho a. He kawng hi Loneitute leh Kuthnathawktute tana kawng pawimawh tak a ni tih sawiin, tha taka siam zawh a nih hun chuan Furpui-ah pawh lirthei kal zung zung theiin, chakkhai leh thlai thar te a phurhchhuah theih tawh dawn thu an sawi bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man