Bru kir te hnenah hlan

North Tripura Transit Camp paruk (6) atanga Mizoram mi leh sa nikum October leh November thla-a hruailet te tanpuina tura sawrkar laipui, Mizoram sawrkar, Tripura sawrkar leh MBDPF te'n inremna an lo siam tawh angin chawmdawlna sum, kum 2 chhung Term Deposit-a dahna Certificate chu niminpiah khan Mamit DC, Dr. Lalrozama chuan Bru rawn kir te awmna hmun khaw hrang hrangah kalchilhin a hlan a.

He Bank Term Deposit Certificate hian cheng nuai 4 a ken tel chu Mizoram Co-Operation Apex Bank-ah dahsak an ni a, Reang (Bru) hruailet te hian inremna awmsa angin Mizoram-a kum 3 an awm hnuah Pawisa hi an lachhuak thei dawn a ni. Tun tuma Bank Term Deposit Certificate hlante hi Bawrai-ah chhungkaw 16, Zamuang-ah chhung-kaw 8, Rengdil chhungkaw 16 leh Sihthiang-ah chhungkaw 3 an ni a. 9th Batch Repatriation-a Mamit District chhung khaw hrang hranga rawn let zawng zawng hi chhungkaw 199 niin chhung-kaw 156 te chu hun remchang ah hlan leh an ni ang.