MLA in kawng siam mek leh Lei dawh mek te tlawh

Serlui bialtu MLA leh Rubber & Allied Crops Development Board Vice Chairman, Lalrinsanga Ralte MLA chuan Bilkhawthlir leh Saiphai inkar kawng PMGSY sum hmanga siam mek leh NABARD sum hmanga Lei pathum an dawh mek te chu a hmunah kalin a enfiah.

Serlui Bialtu MLA chuan helai kawng hi Serlui bial mipuite tan eizawnna atana kawng pawimawh tak a nih thu sawiin, helai kawng siamtu te chu an hna a muan thu leh an thawh tan tirh atang ngaihtuahin an hnathawh a lan loh thu a sawi a, chak zawk leh hmanhmawh zawka thawk turin a ti a. An hna chu a nihna tur ang thlapa thawk tura tiin furpui thlen hma ngeia a tam thei ang ber siam hman turin a hrilh bawk.

Rubber & Allied Crops Development Board Vice Chairman chuan Bilkhawthlir leh Saiphai inkara NABARD sum hmanga Lei an dawh mek pathum chu a enfiah nghal bawk a. Lei dawh zinga pakhat Chepte Lei chu an dawh tumna chu a hniam deuh thu leh tuna dawh an tum dan chu furpui tuilianin Lei a chim phak tur thu bialtu MLA bula an lo thlen chu PWD Chief Engineer te nen a hmunah enho nghalin him zawk leh tha zawka siam tur leh an Lei dawhna chu sawn-a a aia sei-a dawh turin ruahmanna an siam nghal a ni.