Serchhip District Bawrhsap thar in a hna a rawn zawm ta

/
Serchhip District Bawrhsap thar, Dr. Lalzirmawia Chhangte IAS chuan nimin khan a hna thar hi zawmin Serchhip District Bawrhsap hna a chelh tan.
Serchhip District Bawrhsap hna chelhtu, Sangchhin Chinzah sawn a nih hnuah hun engemaw chen District Bawrhsap thar tur in a hna a rawn zawmloh hnuah Serchhip District Bawrhsap tura ruat, Dr. Lalzirmawia Chhangte hian nimin khan a hna thar a rawn zawm ta a. Bawrhsap thar hian Bawrhsap hna lo chelh lailawktu, Chuauhnuna, Addl. DC hnen atangin mawhphurhna hi a la a, nimin vek khan DC Office-a Officers te leh thawktu dangte nena inhmelhriatna hun te an nei nghal a ni.
Serchhip District Bawrhsap thar, Dr. Lalzirmawia Chhangte hi thiamna lamah M.A, LL.B., B.C.S. PG Diploma in Public Administration, Doctor of Ministry (D.Min.) a ni a, kum 1965-ah Tarpho khuaah piangin tunah hian PWD Tlang, Ramhlun Venglai, Aizawl-ah an cheng a ni. A nupui hi C. Lalhmunmawii niin fa pahnih, mipa pakhat leh hmeichhia pakhat an nei a ni. Kum 1991-ah MCS hmuin hna pawimawh tak tak engemawzat a chelh kual tawh a, chung zingah chuan Director, Sports & Youth Services te, Secretary, MPSC te, Secretary, P&E leh Secretary Art & Culture te pawh an tel a ni. Nikum December 3 khan Ministry of Personnel, Public Grievances & Pensions, Department of Personal & Training, Government of India chuan Indian Administrative Service (IAS), AGMUT Cadre a rawn pe a, hemi hnu nikum December 23 khan Serchhip Bawrhsap hna chelh tura dah a ni zui ta a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »