MNF in chak theihna sang tak a nei niin sawi

MNF Sr. Vice President Dr. R. Lalthangliana chuan Lok Sabha Inthlanpui neih zawh takah Pathian puihna in chak theihna sang tak an neih thun a sawi.

MNF in nimin-a Mizo Hnam Run-a Chhung Inkhawm an neih ah MNF Vice President Dr. R. Lalthangliana chuan MP Lok Sabha inthlan Pathian zarah tluang tak kan nei zo thei chu lawmawm a tih thu sawiin, “Zoram dung leh vang fangin Mizoram chhung MP Lok Sabha inthlanna tur atan kan Campaign chhuak vek thei a, kan campaign tawhna ah mipui ten min support em em a, MNF Campaign Directorate leh Party Worker rim tak a thawktu zawng zawng leh mipui, MNF support tu zawng zawng hnenah lawmthu ka sawi,” tiin, “Pathian zarah chak theihna sang tak kan nei a ni,” a ti.

Dr. R. Lalthangliana chuan MNF an sawrkar chhung leh Health Minister a nih chhunga hma an lo lakna hrang hrangte pawh sawiin, Mizoram State Cancer Insitute (MSCI) tana theihtawp a lo chhuah dan te a sawi a, Japan International Corporation Agency (JICA) te nen tangkawp a Mizoram State Super Speciality Cancer & Research Center (MSSCRC) Zemabawk a din tur an lo tih fel dan te leh Project cheng vbc. 700 lai Loan Agreement sign anih tawh dan te a sawi bawk a. Hetiang Project lian tham MNF sawrkar hun lai a an ti hlawhtling thei kha a lawmawm a tih thu a sawi bawk. 

Comments

Popular News (Last 30 Days)

Bawngchawm tlang khualbuk rawktu nia hriat mi 2 man