Zoram pawn-a hnathawka chhuak te buaipui bik tur Cell din a ni dawn - Chief Minister

Chief Minister Lalduhoma chuan Zofate Zoram pawna hnathawk a chhuak te buaipui bik tur Cell a din dawn thu a sawi.

Congress Party thalai, Mizoram Pradesh Youth Congress Committee (MPYCC) hruaitute  chuan nimin khan Chief Minister Lalduhoma hi a Pisa-ah kawmin Mizo nula Dubai-a awmpui hnathawk tura kal ten buaina an tawh chungchang thu kal zelah dan leh thupek felfai tak a awm theih nana hma la turin an ngen a. Mizo tleirawl, Dubai United Arab Emirates-a Housemaid tura sawrkar dan-a kum pawh la tling lo, Agency-in Passport dik lo leh Immigration Lisense Legal Documents pakhat pawh nei lova thawn an nih hnua an tum loh tawpa thla 7 teh meuh Jail-a hrehawm taka tantir an ni chu pawi an tih thu sawiin, tunhma atangin India mi Dubai rama Housemaid Hire kal ten harsatna leh complain an lo tawh thin avangin Indian Consulate in General Director of Residency & Foreigner's Affairs UAE hnenah thupek siamin India mi tupawh UAE leh a chhehvela Housemaid tura kal tur reng reng Airport Immigration-ah lo Block vek turin a lo hriattir tawh thu leh Ministry of Overseas Indian Affairs hnuaia Protector of Immigrants hnenah Registration an ti tur a ni tih an sawi a. Heng hnathawktute thawnchhuah danah hian thil fello awm nia an hriat te an sawi bawk.

Chief Minister chuan MPYCC hruaitute hnenah hian The Mizoram Private Placement Agencies (Regulation) Act, 2015 hnuaiah Aizawl DC-in mi 27 hnenah license a pek thu sawiin, “He dan hnuaiah hian an thawn theihna chin chu ‘Outside Mizoram’ tih ringawt a ni. Chutiang a nih chuan khawvel pumah an thawn thei. He dan hi kum 2015-a putluh a ni a, a rang thei ang ber kan amend a ngai,” a ti a. India rampawn-a hnathawk tur thawnchhuak tur chuan Immigration Act, 1983 hnuaia Protector of Immigrant hnuaiah license dil tur a nih thu leh hei hi Ministry of Overseas India Affairs hnuaiah awmin, chumi hnuaiah chuan India ram atang pawhin mi engemaw zat thawnchhuah an ni tih a sawi bawk.

Chief Minister chuan Dubai-a Mizo hmeichhia 30-in man an tawh chungchangah September 14, 2023 khan Mizoram Police-ah FIR thehluh a nih thu sawiin, Aizawl DC-in permit a pek Agency 27 te chhui an nih thu leh an thubuai hi Bailable a nih angin bail-in an chhuah rih thu leh Prosecution ti turin Prosectior General of Immigration atangin Prosecution sanction neih ngaiin January 25, 2024 khan dilna thehluh a nih thu te, March 18 leh April 15 khan reminder thawn nawn leh ni mah se Prosectior General of Immigration lam an la ngawi niin a sawi a. Agency 27-te License temporary-a suspend sak mek chu a tawk loa an hriat avangin Permanent-in an suspend vek dawn thu te pawh a sawi bawk a ni.

Comments

Popular News (Last 30 Days)

LPG man bithliah thar