SWD Minister in Union Minister-ah EMRS thlen

/
Social Welfare & Tribal Affairs Department Minister, Dr. K. Beichhua chuan nimin khan Shastri Bhawan, New Delhi-ah Union Minister of State for Tribal Affairs, Renuka Singh Saruta hmuin, Mizorama Eklayva Model Residential School (EMRS) chungchang a sawipui.
He an inkawmna hunah hian Dr. K. Beichhua chuan Mizoram chu Tribal Area a nih angin Block 26 huamchhungah EMRS hawng vek tuma hmalakna a kalpui mek tih sawiin, Block zawng zawngah EMRS hawn vek a nih chuan zirna kawngah Mizoram in nasa takin hma a sawn theih thu Union Minister of State Runuka Singh hi a hrilh a, Union Minister chuan hemi kawngah hmalakpui a tum thu a lo hrilh a. Union Minister chuan EMRS Noaotla, Siaha District leh EMRS Tlungvel sakna atan cheng vbc. 14 release nghal a nih tur thu Dr. Beichhua a lo hrilh nghal bawk.
Tun dinhmunah Mizoram-ah Eklavya Model Residential School hi pahnih (2)- Pukpui, Lunglei leh Kawlri tlang, Serchhip-ah a function tawh a, Ngopa-ah building sak zawh tawh a ni bawk a. Mizoram chhung Block pathumah (3) sak mek niin, Block panga ah (5) sak tan tura kut-thlak a ni tawh bawk. EMRS pakhat dinna atan hian sawrkar laipui chuan cheng vbc. 24 zel a ruahman a, CBSE course kalpui niin, School pakhatah zirlai naupang 400 chuang zel awm theihna tura ruahman a ni bawk. Zirlai naupang enkawlna senso, mi pakhat tan kum khat zelah sawrkarin Rs. 1,90,000/- a thlawnin a tumsak vek bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »