NH. 54 laihzauh hna thawh chhunzawm mek a ni

/
Sawrkar laipui Ministry of Road Transport & Highways hnuaia National Highways and Infrastructure Development Corporation (NHIDCL) te chuan Aizawl to Tuipang, Double Lane tur a laihzau hna ngawrh takin an thawk mek.
NHIDCL te hian an hnathawh mekah tunlai hian Keitum leh Bungtlang inkarah kawng laihzau hna an thawh mek bakah Rawpui leh Pangzawl khaw inkarah te pawh a remchan dan angin Double Lane tura kawngpui laihzau hna an thawk bawk a, Keitum leh Hnahthial inkar NH. 54 laihzau hna hi sawt zawk leh chak zawk a thawh anih theih nan khualzin leh bungraw phur lirthei veivak te chu dan an ngaih thin avangin he kawngpui a lirthei veivakte leh khualzinte hriatthiamna an ngen thu an sawi a ni.
NHIDCL hnuaia Aizawl to Tuipang Double Lane tur a laih zauh hna thawh mekah hian Serchhip District chhung Keitum leh Hnahthial inkar, KmM 60 vel thui chu Bharatya Infra Project Limited (BIPL) Guwahati leh Gojra Constructions Company (GCC), Silchar ten thawkin, heng Company te hian Lei laihna khawl lian-Hitachi, JCB, Tripper leh khawl pawimawh dang engemawzat nen Rawpui khuaah Camp neiin an thutchilh mek a ni. Aizawl to Tuipang (NH 54) KM 380 a thui laihzau tur hi nikum November 18 atang khan Keitum leh Lunglei Hrangchalkawn atangin thawh tan a lo ni tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »