BJP in Lok Sabha Inthlanpui an thlirlet

BJP Party chuan nimin khan Aizawl-a an Office-ah kar thar inhlanna leh Political Session neiin Lok Sabha Inthlanpui neih zawh tak an thlirlet.

Lok Sabha Inthlanpui thlirletna hunah hian Election Management Co-ordinator Dr. K. Beichhua MLA chuan BJP Mizoram-in Lok Sabha MP inthlan an hmachhawn dan lawmawm a tih thu sawiin, “State Level hruaitu atanga District Level, Block Level leh Unit thlenga mahni theihna zawn theuha hma kan lak dan ah te, mahni chanvo theuh thahnem ngai taka kan tihhlawhtlinna rah chu MP Result kan puan hunah kan hmu dawn a, hengte avang hian BJP Member zawng zawngte hnenah lawmthu kan sawi a ni,” a ti a. He hun ah hian an President leh Candidate Van-lalhmuaka pawh a tel bawk a ni.

BJP Mizoram chuan Mizoram in MP Election a neih chhunga Mizoram mipuite hnêna Party thenkhat te'na dawt hmanga Mipui an hrilh thin te thudik sawifiahna hun an neih tak avangin Mizoram mipui te'n BJP nihna dik tak an hmu thei ta n iin an sawi a, “Party thenkhatin thudik lo hmanga Vawiin thlenga min bei hi thudik zawk hailan a nih zel avangin BJP Mizoram chuan a lawmawm kan ti hle a ni,” an ti a. BJP Mizoram chuan Mizoram leh Hnam tan leh Mizoram hmasawnna turin hma an la zel dawn tih he hunah hian an sawi bawk a ni.