ZPM Legislature Party Leader atan Serchhip bialtu MLA Lalduhoma
ZPM Legislature Party Leader atan Serchhip bial atanga thlantlin Lalduhoma chu thlan a ni.
Posts
Serchhip-ah MNF in Inthlanpui an thlirlet
Serchhip East Block MNF chuan nimin khan Serchhip Venglai-a Mizo Hnam Run-ah Assembly Inthlanpui thlirletna hun an hmang.
ZPM in Lawmthu sawi tawngtai Inkhawm an nei
Zoram People’s Movement (ZPM) Serchhip Block chuan nimin khan Serchhip Bazar-a an Office-ah Assembly Inthlanpui neih zawh tak chungchanga Lawmthu sawi tawngtai Inkhawm an nei.
Vawiin-ah YMA Boxing khel tan dawn
Tunkar Zirtawpni thleng awh tur ‘Inter-Branch YMA Serchhip District Boxing Championship 2023’ chu Vawiin hian khelh tan a ni dawn.
Serchhip-ah Cricket Tournament
Serchhip District Cricket Association buatsaih Season Opening Tournament chu tunkar Zirtawpni khian khelh tan a ni dawn.
Serchhip South Zone M/S Sports neih tan a ni
Serchhip South Zone Middle School Sports chu nimin khan neih tan niin tunkar chhunga zawhfel hman tum a ni.
No Parking Area-ah puang
Serchhip SP chuan thuchhuah siamin Serchhip Tuikhuah Veng, National Highway atanga Tuizemdum kawn pan chhohna kawng chu 'No Parking area' ni tura ngenna hmuh a nih angin a hmunah enfiah a nih thu leh mipui tana himna leh harsatna awm thei pumpelh a nih theih nan Serchhip Tui-khuah Veng (Pu Zokhuma kawt) atanga Tuizemdum kawn inkar kawng'chu lirthei dah phal lohna hmun, ‘No Parking Area’ ah puan a nih thu a tarlang.
Chhim Veng Branch YMA in buh an seng sak
Serchhip Chhim Veng Branch YMA chuan an huamchhunga chhungkaw pakhat chu nimin khan hnatlangin an buh an seng sak a. Thudawn danin he buh an seng sak hi nupa-a khawsa thin niin an pa hi hun engemaw chen a damloh hnuah kumin October thla khan a boral a. An nupa hian Serchhip Mat Phai-ah Buh phur 100 chuang hmun chu enkawlin buh seng-ah harsatna an neih tak avangin nimin khan Serchhip Chhim Veng Branch YMA te hian hnatlang in buh hi an seng sak a, mi 50 dawn thawkchhuakin buh hi an seng zawh sak a, hnatlang te ei leh in tur chu Serchhip Chhim Veng VC ten an tum sak bawk a ni.
TB chungchang ah YMA kawm
Serchhip District Tuberculosis (TB) Centre-a thawktute leh Serchhip Sub-Hqrs. YMA Office Bearer-te chu nimin khan Serchhip Sub-Hqrs. YMA Meeting Hall-ah thukhawmin TB natna chungchangah inkawmhona an nei a, he hunah hian Serchhip District TB Officer Dr. Lalnunhlima Khiangte chuan TB leh a enkawlna chungchanga hmalakna hrang hrangte PowerPoint presentation hmangin a sawifiah a. Hei bakah hian Nikshay Mitra (Community Support to TB Patient) chungchang pawh a sawifiah a. Hemi hnu hian TB natna umbo tura hmalakna hrang hrangte sawiho niin inkawmna huamzau takin an nei a ni.
ECI in MCC hlip tawh
Mizoram Legislative Assembly Inthlanpui 2023 chu Vote tla te chhiara zawhfel a nih tak avangin leh Returning Officer (RO) ten an bial chan theuha result-te an puanfel tawh avangin Election Commission of India (ECI) chuan Election puan ni, October ni 9, 2023 atanga kenkawh Model Code of Conduct (MCC) chu hlih a nih thu thuchhuah siamin a tarlang.