Serchhip-ah Cricket Tournament

Serchhip District Cricket Association buatsaih Season Opening Tournament chu tunkar Zirtawpni khian khelh tan a ni dawn.

Serchhip District Cricket Association Tournament Sub-Committee thukhawm chuan tun Season hawnna atana Tournament hi tunkar Zirtawpni, December 8, 2023 khian DC Playground, Khawtetlang-a khel tan turin ruahmanna an siam a, tun tum Tournament hi Round robin League-a khelh tur niin a tawp-ah point hmu sang pahnih ten Final an khel dawn a, nakum February ni 10-ah Final hi khelh tura ruahman a ni bawk.

He Tournament hi Twenty20 Format-a khelh tura ruahman a ni a, Serchhip-a Cricket Club paruk te inhmachhawn kual tura ruahman niin match khelh ni apiangin match thum zel khelh tur a ni dawn a, Final a chak zawkin lawmman ah Rs. 10,000/- leh pahnihna in Rs. 5000/- an dawng thei dawn a, hei bakah hian Final tih loh inkhelh apiangin Match Money awm tura ruahman niin a chak zawkin Rs. 1500/- leh a chak lo zawkin Rs. 800/- an dawng thei dawn bawk a. Hei vang hian Champion Team chuan sum tam zawk an dawng thei dawn a ni.

SDCA buatsaih Season Opening Tournament khel tur Team 6 zinga panga te hi Serchhip khawpui chhung ami te niin Thenzawl atangin Team pakhat rawn tel tura beisei an ni a. He Tournament khel turte hi Bawngchawm Cricket Club (BCC), Thenzawl Cricket Club (TCC), Tuikhuah Veng Cricket Club (TKCC), Chanmari Cricket Club (CCC) Hmar Veng Cricket Club (HVCC) leh AOC Cricket Club (AO3C) te an ni.

Comments

Popular News (Last 30 Days)

LPG man bithliah thar