Vawiin-ah YMA Boxing khel tan dawn

/

Tunkar Zirtawpni thleng awh tur ‘Inter-Branch YMA Serchhip District Boxing Championship 2023’ chu Vawiin hian khelh tan a ni dawn.

Serchhip Sub-Hqrs. YMA leh Serchhip District Boxing Association te tangkawp buatsaih he Boxing Championship hi Vawiin chawhnu dar 1:00 atang hian Serchhip Boxing Hall-ah khelh tan tur niin zanin dar 7:00 hian a hawnna hun hman a ni dawn thung a. Tukin dar 7:00 atang hian Boxer tel tura bukin an hriselna dinhmun enfiah a ni dawn a, a tel duh turte chuan mahni Branch hriatpuina ken tur a ni ang.

Tun tum Boxing Championship-ah hian Mipa leh Hmeichhia tan inelna buatsaih a ni dawn a, kg. 30 atanga kg. 85-a rit thleng tan inelna hi neih tur niin Boxing khel thang te leh la khel ngai lo te tan a hrangin inelna hi neih a ni dawn a. LPS Pro Fight a Boxer lo inlan tawhte leh Official te chu he inelna ah hian an inlan a rem dawn lo bawk a ni.

Comments

Post a Comment

Popular News (Last 30 Days)

Vawiin-ah HSLC result

/
Image
Mizoram Board of School Education (MB-SE) chuan kum 2024 HSLC Exam Result chu Vawiin hian a tichhuak dawn ta a, Vawiin chhun dar 12:00 hian HSLC Exam result hi tarchhuah tur niin anmahni (MBSE) pisa, Chaltlang, Aizawl-ah leh internet kaltlangin www.mbse.edu.in leh www.mbseonline.com ah te en theih a nih dawn bakah a mamawh tan result bu a lei theih dawn a. Office hun chhungin WhatsApp leh phone call hmangin Ph. No.  9863883041 leh 9863722521 te biak theih a ni dawn bawk a ni.
Kimchang zawkin »

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »