Lenkawl

Nikum (2022) January atanga May thla chhungin Serchhip District-ah Malaria hrik pai mi 4 hmuhchhuah an nih laiin kumin January atanga May thla tawp thlengin Malaria hrik pai mi 9 hmuhchhuah an ni tawh a, nikum chhung khan Serchhip District-ah Malaria hrik pai mi 28 hmuhchhuah an ni.

Federation of Mizoram Samagra Employee (FEMSE) Sub-Hqrs. Serchhip chuan nimin khan Serchhip BRC Hall-ah MJA Serchhip District te kaihhruaina in kum 2023-2025 chhunga an hruaitu tur thlanna an nei a. President-ah H. Lal-ramsanga (MIREWA), General Secretary-ah Jeremy Lianhmingthanga (BRC) leh Treasurer-ah Vanlalruati (MISIA) te thlan an ni. FEMSE hi tunhmaa SSA leh RMSA hnuaia thawktu pawl hrang hrang inchhunkhawmna niin FEMSE Sub-Hqrs. Serchhip hnuaiah hian member 215 an awm mek a ni.

Mizoram Sawrkar chuan Department hrang hranga Muster Roll (MR) te hlawh thar tur a siam a, hlawh hman mek aiin a pung a ni.

Nimin khan Mamit-ah District Bawrhsap VL. Remliana hovin March Quarter chhunga an District chhunga Bank hrang hrangte hmalakna thlirhona neih a ni a. He huna tarlan a nih danin Pawisa chawi awm lo (0 balance) a Account hawnna Pradhan Mantri Jan Dhan Yojana (PMJDY)-ah Mipa Account nei 14,268 awmin hmeichhia 18,211, an vaiin 32479 an awm mek a. Pradhan Mantri Jeevan Jyoti Bima Yojana (PMJJBY) hnuaiah Enrolment ti 12,193 an awm thu leh Pradhan Mantri Suraksha Bima Yojana (PMSBY) hnuaiah Enrolment ti 46,789 an awm bakah Atal Pension Yojana hnuaiah mi 955 an in register tawh thu te tarlan a ni bawk.

Mizoram People Forum (MPF) chuan Inthlan Campaign nana ruaitheh, sum, therhlo leh a thlawna thil tihsak intiam chu MPF leh Political Party-te Thawhhhona Thuthlung bawhchhiatna a nih thu an sawi.

Mizoram Primary Teachers' Association (MP-TA) chuan nimin khan Aizawl-a Zarkawt Recreation Centre-ah Primary School zirlai, a nau tui tla a chhanna lama nunna chan Anthony Vanmawia (11) s/o Joshua Lalrinngheta, Tuirial Veng chawi-mawina hun an buatsaih a. Anthony Vanmawia hi Govt. Primary School Tuirial Leikai-a School kal niin kumin April 4 tlai-a a nau leh a thiante Tui-rial-a kal chu a nau hi balu lakna tui thuk-ah chesualin tui-ah a tla a, Anthony-a hian a nau hi chhanchhuak mah se amah hi tui-ah a tlahlum a ni. MPTA hian Anthony-a chhungte hnenah hian chawimawina thuziak leh Rs. 10,000/- an hlan a ni.

Lunglei West Bialtu MLA leh Agriculture Minister C. Lalrinsanga chuan nimin khan a bial chhunga Lunglei Venglai Branch YMA te hnenah Maruti Suzuki Eeco Van Ambulance a hlan a, Lunglei Venglai chu Veng lunlai a nih angin dammawh hritlan leh tul hrang hranga mipui dawltu an nih angin Ambulance chu hlan an nih thu leh an tlawmngaihna chhuanawm a tih thu sawiin, mipuite pawhin tangkai taka an hman a duh thu a sawi a. Lunglei Venglai Branch YMA President Malsawmdawngliana chuan Veng bil sawi lova a mamawh apiangte hman tura an inhawn thu a sawi bawk.

Nikum (2023) chhung khan Mizoram-ah Malaria hrik pai mi 10,229 hmuhchhuah niin an zinga mi 10 te chuan an thihpui a, kumin ah June thla thlengin Malaria hrik pai mi 1,734 hmuh an ni tawh bawk. Nikum chhung vek khan Dengue vei mi 1,868 hmuh niin mi 5 in an thihpui a, kumin ah Dengue vei mi 220 hmu tawhin thihpui an awm lo a ni.

Mizoram State Agriculture Horticulture Forestry & Marketing Cooperative Federation Ltd. (MAHFED) chuan nimin khan Aizawl-a Synod Conference Centre-ah Annual General Assembly vawi 25-na hmangin Social Welfare Minister Er. Lalrinawma chuan a hmanpui a, Mi-zorama cheng tam zawk chu ram leilung behchhan a eizawng deuh vek an nih angin MAHFED te mawhphurhna chu a zau hle tih a sawi bawk. He hunah hian MAHFED hmalakna hrang hrangte tarlan niin Bairabi-ah cheng nuai 274 man warehouse sak chu Union Home Minister in a hawn tawh thu leh Aizawl by-pass road (World Bank Road) ah warehouse dang sak mek a ni a. Tun dinhmunah MAHFED-ah hian share nei mi 114 an awm mek a ni.

Ni 3 chhung awh tur National Legislators Conference (NLC) chu nimin khan Jio World Convention Centre, Mumbai ah chhunzawm a ni a, nimin-a ‘Commendable Legislative Practices’ tih thupui zirhona ah Mizoram Assembly Speaker Lalrinliana Sailo chu Special Guest niin Mizoram in kalphung tha a neih te tarlangin thu a sawi a. Ramdang atanga raltlante lainatna nena a lo dawnsawn dan te, mipui rorelna democracy chu a taka Grassroot Level atanga a kalpui dan te, remna leh muanna boruak vawnhim a nih dan te, Assembly chhunga roreltute awmdan mawi leh House zahawmna vawnhim kawngah te, India ram ah Assembly rorelna pumpui live telecast hmasatu State a nih thu te a sawilang a ni.