MPF in Thawhhona bawhchhiatna a nih thu sawi

Mizoram People Forum (MPF) chuan Inthlan Campaign nana ruaitheh, sum, therhlo leh a thlawna thil tihsak intiam chu MPF leh Political Party-te Thawhhhona Thuthlung bawhchhiatna a nih thu an sawi.

Nimin-a thuchhuah an siamah MPF General Hqrs. chuan tunhnaiah Hachhek Assembly Constituency-a ding tura Political Party pakhat Candidate puanna ah ran engemaw zat talhin mipui sang chuang tan ruai buatsaih a ni tih hriat a nih thu leh Candidate tura puan hian Higher Secondary School leh College hrang hranga zirlai Admission Fee tum sak vek a tum thu a puang niin Mizo-ram People Forum General Headquarters chuan thu a dawng tih an tarlang a. Inthlan Campaign nana ruaitheh, sum, therhlo leh a thlawna thil tihsak intiam chu MPF leh Political Party-te Thawhhhona Thuthlung bawhchhiatna a ni tih tarlangin, “MPF chuan he thil thleng hi a la thu tak hle a, hetiang thil hi khawi hmunah mah thleng tawh lo se kan ti,” an ti a, MPF chuan party hrang hrangte chet dan chu thlirin a vil zui zel dawn tih tarlangin, “Political Party-te nena kan thawhhona thuthlung hi rinawm taka zawm zel turin MPF chuan party zawng zawng a ngen thar leh a ni,” an ti bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man