Chanchin thar thenkhat :
Zirlaibu sem tur tifel
Posts
Health Minister in ZMC-a inbuatsaihna tur a enfiah
Health Minister Dr. R. Lalthangliana chuan Covid-19 Second Wave kan hmachhawn mek leh Third Wave lo thleng thut thei chungchanga Zoram Medical College (ZMC) lamah inbuat-saihna tha zawk kan neih theih nan Zirtawpni tlai khan ZMC hi a tlawh.
Kum 2020-2021 chhungin Mizofed Serchhip-ah eirawngbawlna Gas a thleng tha thawkhat
Sawrkar kum kalta April 2020 atanga March, 2021 chhung khan MIZOFED Serchhip Branch ah eirawngbawlna Gas Truck Trip 188 rawn thlengin mipui ten eirawngbawlna Gas-ah harsatna liantham an tawklo niin a lang.
Containment Zone-ah puang
Tunhnaiah Chhingchhîp Village Council Area chhung, Bamboo Camp-ah COVID-19 hri kai engemawzat hmuhchhuah an nih avangin Serchhip District Bawrhsap leh District Disaster Management Authority-a Chairman, Lalmuan-sanga Ralte chuan Bamboo Camp leh a chhehvel Metre 200 huam chhung chu Containment Zone ah a puang.
BCM in VLTF thilpek hlan
Baptist Church of Mizoram (BCM) Serchhip chuan nimin khan Serchhip-a VLTF 10 te hnenah a tul anga hman turin pawisafai an hlan.
Home Minister in thilpek hlan
Hrangturzo bialtu MLA leh Home Minister, Lalchamliana chuan a bial chhung Keitum khua a Community Covid Care Centre (4C)-a mamawh hrang hrang Inrinni khan a pe a. Home Minister hian Buhfai bag 4, Dal bag 1, Hand Sanitizer 132, Face Mask pocket 10, Gloves box 3 leh Vitamin 'C' box 1 bakah duty-te thingpui inna tur a pe a ni. Keitum khua ah hian tunhnai ah hri kai mi 31 hmuhchhuah an ni tawh a ni.
Serchhip District-ah ASF vangin Vawk 123 a thi tawh
Serchhip District chhunga African Swine Fever (ASF) lenna hmunah Vawk thi an la awm belh zel a, nimin thleng khan ASF hri lenna hmuna Vawk thi hi 123 zet an tling tawh.
Special Nutrition hlan
Serchhip ICDS Office chuan Serchhip District chhunga COVID-19 hri kai enkawlna hmun 4 (Serchhip, Keitum, Thenzawl leh Chhingchhip) te chu Inrinni khan tlawhin Anganwadi naupang awm te tan Special Nutrition an pe a, heng hmun ah hian naupang kum 6 hnuailam mi 12 leh kum 7-15 mi 9 an awm mek a ni.
Serchhip District-ah hri kai hmuhchhuah belh zel
Inrinni khan Serchhip District-ah hri kai mi mi 41 hmuhchhuah an ni a, an zinga 40 te chu SGI Pvt. Ltd. hnuaia thawk an ni.
Doctor sawnna tur Order sut leh turin ngen
Serchhip District NGO Coordination Committee chuan Serchhip District Hospital atanga Dr. Lalnunhlima Khiangte sawnna tura Order tihchhuah chu sut leh turin sawrkar an ngen a, hei hi tih hlawhtlin a nih ngei theih nan theihtawp an chhuah zel dawn tih an sawi.