Lenkawl

YMA in Tripura kawng siam hnatlang an nei leh

Niminpiah-a Mizoram-a Sample enfiah zingah COVID-19 hri kai mi 25 hmuhchhuah leh niin tunhnaia hri kai hmuhchhuah dan thlirin hri kai hmuhchhuah hi an tlahniam hret a ni.

Cooperation Department Minister, C. Lalrinsanga chuan Lockdown hmasa lamah Veng leh khaw thenkhat thahnemngai ten a thlawna an thlai thar te an sem chhuah te kha Mizo zia dik tak a nih thu a sawi.

Ramchhunga tuihna humhalh leh enkawl tha te tana sawrkar laipuiin lawmman a siam, 'National Water Award-2019' chu Mizoram atangin Leng leh Ailawng khua ten an dawng.

Nimin khan Serchhip District-ah COVID-19 hri leng dona Dan bawhchhia mi 22 man leh an ni a, heng mite pawisa chawi tlingkhawm pawh Rs. 3100/- a tling leh bawk. COVID-19 No Tolerance Drive hman meka nimin-a Dan bawhchhia man zinga 19 te hi Police man niin Serchhip Town-ah mi 2 leh North Vanlaiphai-ah mi pakhat man an ni bawk.

Kumin April thla a MJA General Conference neih tur chu hripui leng avanga neih theih a nih tak loh avang leh MJA General Hqrs. hruaitu thlanna pawh neih theih a nih tak loh avangin MJA General Hqrs. a hruaitu dinglai term chu term khat (kum hnih) atan pawhsei a ni a, heng hruaitu thar te term pawhsei puanna hi Vawiin hian District hrang hrangah a ruala neih a ni ang. Serchhip-ah pawh Vawiin chawhnu lam hian MJA General Hqrs. hruaitu term pawhsei puanna puala inkhawm Serchhip Press Club-ah neih a ni ang.

Mizoram-a lut tur Motor lian te Assam-ah hun engemaw chen dan a nih hnuin Serchhip-ah tuialhthei harsatna a thleng mek a, Serchhip-a Petrol Pump awmchhun, PB. Lalzuithanga FS chuan harsatna dang an tawk a nih loh chuan Vawiin hian Petrol rawn thleng tura an beisei thu sawiin, Diesel erawh Vawiin lamah loan an la thei a nih chuan Inrinni-ah rawn tleng hman tura beisei a nih thu an sawi bawk.

Niminpiah khan Serchhip-a TrueNat Laboratory-ah Sample 14 enfiah niin Rapid Antigen Test hmanga Sample enfiah erawh a awmlo thung a, hri kai hmuhchhuah thar an awmlo bawk. Hetihlai hian Bihar inthlanna a duty IR Police te chu Serchhip District an rawn thlen hnuah PTS, Thenzawl-ah dahluh nghal niin heng mite nen hian Serchhip District-ah sawrkar hmunhmaa inkhung-hrang mi 72 an awm mek a, mahni In lama inkhunghrang mi 30 an awm bawk.

Serchhip-a Taxation Department chuan sawrkar kum kal mekah Chhiah chi hrang hrang cheng vbc. 2 chuang an hmu tawh a, sawrkar kum kal mekah hian Mizoram pumah Taxation Department Chhiah hmuh tura beisei hi chu hmuh ngei an inbeisei thu Taxation Department hotute chuan an sawi bawk.

National Award dawng