Lenkawl

Mizoram sawrkar hnuaia Economics & Statistics Department in 'Village /Locality Profile 2017-2018 : Mizoram State' an buatsaih chu nimin khan Planning & Programme Implementation Secretary Dr. C. Vanlalramsanga chuan a tlangzarh.

Mizoram Public Sevice Commission (MPSC) Mobile Application ‘MIPUSEC’ chu a duh leh mamawh apiang te hman turin nimin khan MPSC, Mini Examination Hall, New Secretariat Complex, Khatla, Aizawl-ah MPSC Chairman, Zosangliana Colney in a tlangzarh.

 Lok Sabha inthlanpui neih dawna Serchhip District SP, R. Sathyasundaram leh Mamit SP, Shashank Jaiswal te an awmna hmun inthleng rih tura tihna chu kar kalta khan tihtawp niin a hmaa Serchhip SP, R. Sathyasundaram chuan a hna ngai hi a rawn zawm leh tawh a ni.

PHE Department in Serchhip mipuite hnena Tui an semchhuah chungchanga tunhnaia harsatna an tawh chu chinfel hleihtheih ala ni lo a, tunah hian he harsatna sukiang tur hian theihtawp an chhuah mek thu Department-a thawk te chuan sawiin, ni 2/1 velin mipui ten an dawn hun tur aia tlai ah an la dawng tih an sawi a, harsatna dang a awm leh a nih loh chuan tunkar tawplam ah chuan a hun pangngaia dawn theih an beisei tih an sawi bawk.

Lawngtlai-a Mobile/Broadband Network \hat loh lutuk avanga Central YLA hmalakna in awmzia a neih loh avangin Lawngtlai-a BSNL Office chu nimin a\ang khan tiamchin awm lova kharsak an ni.

Nimin chawhnu khan Serchhip DC Conference Hall-ah Civil Sevices Day 2019 hman a ni a, he hun hi Good Governance chungchang zirhona atan hman a ni.

MPCC leh ZPM Co-ordination Committee aiawhin nimin khan MPCC Legal Department Secretary, James Thanghmingmawia chuan tun \um Lok Sabha MP election neih dawn a Congress leh ZPM thlawp Candidate, Lalnghinglova Hmar Sl. No. 5 anih laia Lunglei District khaw hrang hrang Polling Station-a Candidate list tarchhuahah Sl. No. 4 a dah anih avangin Lunglei Police Station-ah FIR a thehlut.

Seling leh Champhai inkar kawngpui NH. 6, a ruala lirthei pali (4) tlan theihna tura siam hna thawktu turte chu nimin khan Transport Minister, TJ. Lalnuntluanga chuan a Office-ah a kawm a.

Nimin khan Aizawl Vanapa Hall-ah Chief Minister, Zoramthanga hovin Civil Services Day-2019 hman a ni a. He hunah hian a vawikhatna ni turin Sawrkar hnathawk \ha leh entawntlak thlanchhuahte hnenah ‘Chief Minister's Award for Excellence in Public Administration’ chu Chief Minister hian a hlan nghal bawk.

Police Department-a thawh ten an hnathawh dana rawtna leh ngaihdan an neih te thuneitute hnena an thlen theihna hun, Police Sammelan chu nimin khan Serchhip-ah neih a ni.