Ruihhlo thatloh zia inzirtir

Mizoram State Legal Services Authority (MSLSA) buatsaihin nimin khan Govt. Serchhip College-ah 'Awareneness Campaign on Prevention and Rehabilitation of Dug Abuse' neih a ni.
'Awareneness Campaign on Prevention and Rehabilitation of Dug Abuse' hi Govt. Serchhip College-a Drug Awareness Club Leader Benjamin C. Lalrinmawia chuan kaihruaiin he College Principal C. Laldintluanga chuan MSLSA bultuma ruihtheihthil chungchang sawihona hun tha tak an nei chu lawmawm a tih thu a sawi bakah zirlaite tan ruihtheih thil laka fihlim a tul thu a sawi bawk a ni.


He hunah hian Serchhip District Legal Services Authority Secretary Josangzeli Tlau MJS chuan Scenario of Drug Abuse with Reference to Mizoram Context tih thupui hmanga zirlai kalkhawmte zirtirna pein Melody Zorem-sangi, OST Centre, Serchhip chuan Protection & Rehabilitation of Drug Abuse chungchang a sawi bawk a. Dr. Zarzosanga, Asst. Professor, Govt. Serchhip College i/c Drug Awareness Club pawhin thalai tam tak, ram hmasawnna tura tangkai tak tak turte ruihtheihthil avanga an nun a chhiat tawh thu leh ram tan chak taka ke kan pen theih nan sim a ngaihthu bakah ruihtheihthil bawi-a la tang ve lo thalaite chuan tihchhin ve hauh loh tur a nih thu te a sawi bawk.

Nimin vek khan Serchhip District Jail pawh Serchhip District Legal Services Authority Secretary hian tlawhin tun dinhmunah tang mi 57 an awm mek a, Jail tang te dinhmun leh harsatna an neih te an sawiho bawk a ni.

Comments

Popular News (Last 30 Days)

LPG man bithliah thar