Mat phai-a Leilet neitu ten buh phun mek

Serchhip Mat Phai-a Leilet neittute chuan tunlai hian Leilet-ah buh an phun mek.
Serchhip Mat Phai-a Zau thenkhat a Leilet neitute chuan kumdang ang bawkin tun thla tir lam khan Buh hi phun mah se Leilet nei tam tak erawh chuan an mamawh khawp Tui an hmuh loh avangin buh hi an phun thei mai lo a, tunkar chho-ah ruahtui tla a tam tak deuh avang leh mumal zawka Lei te leh theih a nih tak avangin tunkar chho atang hian buh hi an phun a, karleh lam khian Leilet neitu tam zawk chuan buh hi phun zawh theih an in beisei a. Serchhip- Mat Phai-a Leilet tamna ber Zawlpui zau FMC hruaitute chuan Zawlpui zau bikah chuan buh hi an phun zo thawkhat tih an sawi a ni.

Zawlpui Zau FMC hruaitute chuan NH. 54 laihzauhna leivung paih avanga harsatna erawh an la tawk reng tih LENKAWL an hrilh a, tunhnai mai khan Ralkiauva Kham-ah leivung hi paih leh a ni tih sawiin, tunhnaia ruahsur avanga tuihawk in leivung paih te hi a la len thlak reng thu an sawi bawk a ni.

Comments

Popular News (Last 30 Days)

Vawiin-ah HSSLC Exam result