SCERT Virtual Lab hawng

State Council of Educational Research and Training (SCERT) Mizoram Director Laldawngliani Chawngthu chuan niminpiah khan SCERT-a Virtual Lab a hawng a, hun rei tak atanga he Virtual Lab hi zirlaite tana an lo awh thin thu sawiin, hawn theiha a awm ta chu lawmawm a tih thu a sawi a. Virtual Lab-ah hian zirlaite hriatthiamna tanpui thei tur 3D animation, a ang thei ang ber tura siam-chhuah, hmun leh hmuna en ang maia hriat theihna pe thei a nih thu a sawi a, he thil hlu tak mai hi Mizoram chhunga zirlaiten tangkai taka an lo hman a duhsak thu leh an zirlai hriatthiamna sang zawk a pek theih dan te leh zirlaite tana hman theih tura hawn a nih thuai tur thu a sawi bawk.