Vawiin-ah kawngzawh dawn

Mizoram-a tlawmngai pawl hrang hrangte telna, NGO Co-Ordination Committee in an lo ruahman tawh angin Vawiin hian Mizoram hmun hrang hrangah ‘Zohnahthlak unaute Thlavang hauhna’ kawngzawh neih a ni dawn. Serchhip-ah chuan he kawngzawh hi AOC Kawn atanga tanin Ser-chhip Bazar thleng neih tura ruahman a ni a, AOC Kawn-ah hian MZP Hqrs. Serchhip Vice President R. Lalmalsawma kaihhruaia hun hman tur niin hemi hnu hian mipui ten Serchhip Bazar panin kawng an zawh anga, Serchhip Bazar-ah hian Serchhip District NGOCC Secretary K. Laltlanmawia kaihhruaia hun hman zui tur niin NGOCC a tel pawl hrang hrang President ten thu an sawi dawn bawk a ni.

He kawngzawh-a tel turte hi kawr dum ha tura beisei iin MHIP Member te chuan Pawndum an bih dawn bakah midang te pawh Pawndum bat tura beisei an ni a, Manipur buaina avanga raltlan te tanpuina atan bawm dawh a ni bawk ang.

Serchhip Taxi Owners Association chuan he kawngzawh tur hi an thlawp thu sawiin, an pawl member te chu tel theuh tura an tih bakah Taxi Stand-ah puandum an zar dawn bawk a. Ser-chhip District Football Associ
ation (SDFA) chuan an Tournament khelh mek pawh kawngzawh a nih chhung hian chawlh a nih tur thu sawiin, inkhelh hun tur an lo ruahman tawh chu tih danglam a ni.

Comments

Popular News (Last 30 Days)

LPG man bithliah thar