CM leh party President nih kawp a rem lo - Lalduhoma

ZPM Leader Lalduhoma chuan, “ZPM chuan Party dang te tih dan ang ni lovin Collective Leadership kan kalpui a, Chief Minister leh party President nih kawp a rem ve lo a ni,” a ti.

ZPM Leader Lalduhoma hian East Tuipui bial chhunga khaw hrang hrang tlawh mekin ZPM party in hmasawnna an hmuh te chu an thawhrim vang a ni vek bik lo tih sawiin, Pathian malsawmna an dawn liau liau a nih thu a sawi a. “Tunah hian kan party chuan Official Candidate kan puang fel ta a, kan ram in kan tawrh nasat em em eirukna leh hlemhletna laka kan fihlim theih nan nasa takin kan infuih thin a. An fihlim ngei pawh kan ring bawk a ni,” a ti. ZPM te chu danglam ngam turin an inchah thin tih pawh sawiin, “Kalphung thar hmanga mipui sawrkar siam tum kan nih avangin dikna leh huaisenna nen ram rawng kan bawl tur a ni. ZPM chuan party dang te tih dan ang ni lovin Ccollective Leadership kan kalpui a, Chief Minister leh party President nih kawp a rem ve lo a ni. Chief Minister in Works Department a chang ve dawn lova, Department dang zawng zawng a vil dawn a, a chak lo a dawmkang ang a, enpui ngai a enpui zel dawn a ni,” a ti bawk.