Y20 intawhkhawm tum 5-na PUC-ah hman a ni

India in G-20 President hnihna a chelh mek laia programme hrang hrang siam zinga thalai te tinzawna programme siam, Y20 Meet on Nationalism, Patriotism and Development intawhkhawmna chu nimin khan a tum 5-na atan Pachhunga College University (PUC)-ah neih a ni.

Nimin a PUC-a hun hman hi Sports Minister Robert Romawia Royte chuan khuallian nia hmanpuiin ram leh hnam hmangaihna rilru thalai te zinga tuh leh put a pawimawh thu leh a tulna te sawiin, mahni ram leh hnam ngaihsanna chang hre lova hmangaihna nei lova, nationalism thinlung kan neih loh chuan hnam a boral thei a ni, a ti a. Ram ropui tih Europe khawmual ram thenkhatte chanchin sawiin, hnam-ah an chiang ah, nationalism rilru an neih avangin an ramte a hmasawnin a changkang a, hnam ngaihsanawm leh ropui an nihna chhan chu ram leh hnam hmangaiha an neih vang a ni, a ti a. Manipur buaina chungchang sawiin, hnam khat kan nihna in inphuar-khawm a, an tawrhna kha kan tawrhna a ni a, he thil thleng hian hnam anga kan inpumkhatna hi a sawh nghet niin a sawi bawk.

Nimin-a Y20 Meet-ah hian MZP Adviser Lalnuntawma Fanai chuan thupui sawihawnna neiin thupui sawizauna, a bikin Zo hnahthlak te tana nationalism pawimawh dan Prof. J. Doungel in a sawi a. ICT Department-a Informatics Officer C. Lalrinfela leh Social Welfare & Tribal Affairs Department-a MSD&RB atangin Vanlalhruaii ten thalai te tinzawn in presentation an nei bawk a ni.