Thu diklo hmanga inbeihna sim turin ZPM in an ngen

ZPM Party chuan tunhnai chho ah ZPM leh, a bik takin an Chief Ministerial Candidate leh Leader Lalduhoma’n beih a tawk chho mawlh mawlh nia sawiin, “Thudik lo hmanga min bei fo tute hi sim tawh turin kan ngen,” an ti.

Nimin-a Aizawl Press Club-a thuthar thehdarhtute an kawmna ah ZPM General Secretary IT & Media Department Eddy Zosangliana Colney chuan ZPM chu inti tha bik leh thianghlim bik, party dang sawrkarna chelh tawh zawng zawng chhe lailet der-a puh ang hiala beih an nih thu sawiin, “Hetiang ang hian vawikhat mah kan la ti ngai lova. Party dang hruaitute leh sawrkar kal tawhte engmah tih that nei lo ang hian kan la sawi ngai lo. An policy kalpui dan - Sem Policy te, Restricted Tender chungchang te, kuthnathawktute chungchang te, Healh Care chungchang te, chutiang zelin, ram tana an hnathawh dan, an policy kalpui dan erawh duhkhawp loh deuh lai a lo awmin kan sawisel ve thin a ni,” a ti.

ZPM Chief Ministerrial Candidate Lalduhoma chuan hman ata tawh, rin thu leh thudik lo hmanga beihna hi a tawk chho zing malh malh hle tih pawh sawiin, “Social Media lamah phei chuan ngaihbel theih tur tingin tualthat ang thawthangah te kan Leader phei chu an puh titih a, he thil phei hi chu kan ngai serious em em a, Court-ah Criminal Complaint May thla daih tawh khan kan file nghe nghe,” tiin ZPM General Secretry chuan a sawi a, June ni 12, 2023 khan Cyber Crime te Investigation report chu Court chuan thehlut tura a tih thu leh mi pahnih man tawhin a phusa ber ‘Tlangval U Hranga’ inti, Fake Account erawh Cawiin thlengin an la man loh thu leh an duh ai chuan anni pawh hian an chhuichhuak har tawh nia an hriat thu a sawi bawk.

ZPM General Secretary chuan tunhnaiah Journalist lar tak thin, political party zawm thar hlim ve hlawt pakhat chuan June 27, 2023-a chungkaw thil-a Guwahati-a Lalduhoma zin chungchang chu mipui rilru hruaikawi thei tur zawnga sawiin, rinthu in ZPM Leader chu a bei chiam mai nia sawiin, hei mai hi duhtawk lovin Congress Thalai chuan July 18, 2023 khan thuchhuah hial siamin, ZPM Leader Lalduhoma leh BJP Minority Morcha National Secretary Delson-a nen in be thin angin an puh leh niin a sawi a. “Hetianga ZPM Leader, chhungkaw thilpawimawha zin mai mai pawh dawt hmanga chhe taka an puh duh leh tihmualpho tuma politics chhe ber chi hmanga an bei duh ta mai hi ZPM chuan pawi kan ti hle a ni,” a ti bawk.

Tunhnaiah Manipur-ah tualchhung buaina nasa tak a chhuak tih pawh ZPM General Secretary chuan sawiin, hetiang a nih laia kan rama rorellai MNF Party in BJP an thawhpuina Vawiin thlenga an la hnukdawk ngam lo chu mak an tih thu a sawi a, Chief Minister chu BJP a thlawpna NDA atanga inhnukdawk ngam turin a ngen bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar