Group Match khel zo dawn

/

SDFA Season Ending Tournament khelh mekah Vawiin hian Group Match khelh zawh a ni dawn a, naktip-ah Semi Final khelh a ni ang.

Nimin-a 2nd Division inkhel ah Group A atangin Field Veng FC chuan New Serchhip FC chu 7-0 a sawpin R. Lalremruata chuan goal 4 a khung a. Inkhel hnuhnung zawkah Group B atangin Keitum-I chuan FC Serchhip Kawnpui chu 11-0 a sawpin Lalramhluna chuan goal 6 a khung bakah Gideon Lalhnehpuia chuan goal 3 a khung bawk a, Group B-ah hian Keitum-I leh Group D-ah Bungpui FC in Semi Final an lut a ni.

Nimin-a 1st Division inkhel ah Group A atangin AWC FC in  Chhekhnai FC chu 6-1 a hnehin AWC FC tan Lalsiamthara chuan goal hnih a khung bakah Lalrinsiama, R. Lalmalsawma, Vanlalliana leh Ramdinmawia te chuan goal khat theuh an khung a. Chhekhnai FC tan Lalramchhana chuan goal khat a khung bawk. Group A-ah hian AWC FC leh FC Serchhip Kawnpui hian Semi Final an lut a ni. Nimin-a inkhel hnuhnung zawkah New Serchhip FC in Chanmari FC chu H. Ralkapzauva goal khung hmangin si khat faiin an hneh bawk.

Vawiin hian Group Match khelh zawh a ni dawn a, zing dar 9:30-ah 2nd Division atangin Chanmari FC leh New Serchhip FC inkhelin dar 12:30-ah P&E FC leh Bungtlang Bazar FC an inhmachhawn bawk ang. Chawhnu dar 1:30-ah 1st Division atangin Vengchung FC leh Chanmari FC an inhmachhawn anga, dar 3:30-ah New Serchhip FC leh Kawn Veng FC an inhmachhawn bawk ang.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »