Tripura atanga rawn haw ten kawlphetha la pe lo

Kum 2018-a Tripura atanga Mizorama hruaikir Bru-te awmna khua, Dinthar-ah Vawiin thlengin kawlphetha lakluh a la ni lo.

Tlabung atanga lui hnar lam KM 2 bawr vela hlaa awm Dinthar-ah hian tun dinhmunah Bru chhungkaw 70 vel khawsa mekin, kil thum atanga inremna siam anga Sawrkar atanga hamthatna an dawn tur pawh an hmu kim thawkhat tawh a, hetihlai hian Vawiin thlenga kawlphetha pawhluh a la nih loh avangin kawng hrang hrangin harsatna an tawh phah tih anmahni enkawltu Tlabung Village Council hotute chuan an sawi. Tun dinhmun ah Dinthar-a chengte hian ni zung chakna rinchhan Solar Power an inngaihtuah chawp chu a remchan ang angin an hmang a, kawlphetha a luh ve theih dan tur hi tunhnai khan Tlabung Village Council chuan Mizoram Chief Minister leh Power and Electricity Department hotulute an hmuhna ah an thlen nghe nghe a ni.