Vawiin-ah Semi Final khelh a ni dawn

/

Serchhip District Football Association (SDFA) buatsaih Season Ending Tournament chu Vawiin hian Semi Final khelh a ni dawn ta.

Serchhip Sports Complex-a SDFA Season Ending Tournament khelh mek hi a hmawr an bawk dawn hnai ta a, Vawiin hian 1st Division leh 2nd Division ten Semi Final an khel dawn a ni. Semi Final hi 2nd Division ten an khel hmasa anga, chawhma dar 10:00-ah Field Veng FC leh Keitum-I te inhmachhawnin chawhma dar 11:50-ah Bungtlang Bazar FC leh Bungpui FC te an inhmachhawn bawk ang.

Chawhnu lamah 1st Division Semi Final khelh zui tur a ni dawn a, dar 1:30-ah FC Serchhip Kawnpui leh New Serchhip FC te an inhmachhawn anga, hemi hnu dar 3:30-ah Vengchung FC leh AWC FC te an inhmachhawn leh dawn a ni. Semi Final-a chak te hian naktuk-ah Final an khel nghal dawn a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »