STDC in kawngpui zauh

Serchhip Town Development Committee hma-lakna in Serchhip Leisang Veng-a NH. 54 kawngpui sir zauh hna thawh mek a ni. Serchhip Leisang Veng-a NH. 54, Theihai lui kawng kual lai hi mipuite kalna tura Footpath siam a nih hnuah kawngpui leh Footpath inkar kawng chu awng zau tak awmin kawng kual lai a nih avang leh kawng hi a len tawk loh avangin lirthei tan pawh him lo thei niin a lang a. Hei vang hian Serchhip Town Development Committee hian an sum neih sa hmangin helai kawngpui leh Footpath inkar dawl hna hi thawkin a hnuai lamah tuihawk luang tlang thei tura siamin lungrem a ni a, kar hmasa Zirtawpni atang khan hna hi thawk tanin nimin thleng khan chhunzawm a ni a, Vawiin lam hian a zualpui chu zawhfel hman beisei a ni bawk.


Comments

Popular News (Last 30 Days)

LPG man bithliah thar