Meitei awm zatve aia tam Manipur-ah an haw tawh

Serchhip District-a Manipur atanga Meitei awm zingah a zatve vel te chuan Serchhip District chhuahsanin Manipur an pan tawh.
Serchhip Police te chuan Serchhip District-ah hian eizawnna chi hrang hrang thawkin Manipur Meitei lam mi hi mi 105 awm angin an chhinchhiah tih an sawi a, heng zinga mi 53 te chuan tunhnaia Manipur buaina kaihhnawih ah Serchhip District an chhuah-san tawh tih sawiin, midang 52 te chu an la awm mek tih an sawi a. Tunhnaia buaina thleng avang hian Serchhip District chhungah midang vauna leh thildang thleng a awm an hriat loh thu an sawi bakah thenkhat hi chu Manipur lama an chhung leh khat ten an ngaihtuah avanga haw tura an tih te an nih thu an sawi bawk a ni.

Serchhip-a Meitei awm thin zinga thenkhat, Serchhip-a nupui fanau nei-a awm tawh te zingah pawh nupui fanau te hruai lova Manipur-a haw hi an awm bawk a, an chhungte chuan buaina leh harsatna tawh avanga Manipur-a haw an nih loh thu LENKAWL hrilhin, tunhnaia thil thleng avanga Mizo mipuite hmai zah avanga haw te an nih thu an sawi bawk. Serchhip-a Meitei te enkawl lirthei siamna hmun zingah thawktu awm mumal loh avanga mipuite tana pan hleih theih loh te a awm tan bawk a, dawr tam zawk erawh chu nimin thleng khan dan pangngaia hawn a la ni ve thung a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result