Kayakalp 2023-a lawmman pakhatna lak lawm

/

Saitual District Hospital chuan Mizoram-a damdawi In te faina lama inelna, Kayakalp 2023-a lawmman pakhatna an lak nimin khan an lawm.

Kayakalp-a lawmman pakhatna lak lawmna Keifang Zawlbuk, Keifang-a neih hi Saitual DC Dr. Lalngura Tlau chuan khuallian nia hman-puiin Kayakalp-a lawmman pakhatna Saitual District Hospital in a dawng chu ropui a tih thu a sawi a. Fai chu nunpui chi a nih thu sawiin, naupan lai atanga thisen-a thanhnan khawpa kan tuipui a ngai tih a sawi bawk. Saitual DC chuan Saitual District Hospital chu CHC Level-a pakhatna an nih piah lamah District Level Category a hlankai anih hnuah pawh pakhatna an hauh theih ngei a duhsak thu a sawi bawk.

Saitual District Hospital hi Kayakalp-ah District Hospital puitling ah chhiar la ni lovin Community Health Centre (CHC) Category-ah a awm a, kumin Kayakalp-ah hian CHC 11, Stage 3-Internal Assessment, External Assessment leh Peer Assessment-ah te inel in lawmman hian pawisa fai cheng nuai 5, Trophy leh Citation a keng tel a, hei bakah hian Saitual District Hospital hian Eco-Friendly Category-ah cheng nuai 2 an dawng bawk a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »