Govt. Serchhip College in ‘Annual Day’ hmangin an zirlai hlawhtling te chawimawina an hlan

Govt. Serchhip College chuan nimin khan ‘Annual Day 2023’ hmangin Academic Session liamtaa an College hmalakna hrang hrangte tarlan a nih bakah kawng hrang hranga an zirlai hlawhtling leh titha thlanchhuahte hnenah lawmman chi hrang hrang sem nghal a ni bawk.

Govt. Serchhip College HD Rosanga Multipurpose Hall-a he hun hman hi he College Principal C. Laldintluanga chuan khuallian nia hmanpuiin tun tum hi an College in Annual Day tum thum an hmanna a nih thu leh kum kalta lama he College-a zirlai kawng hrang hranga hlawhtlinna chang te chu a lawmpui thu a sawi a. Mizoram University (MZU) in kumin-a Under-Graduate (UG) Exam result a tihchhuaha Arts Subject-a Mizoram puma 10-na dinhmun luahtu Lalhmingchhuanawmi, Deptt. of English hnenah Principal's Award hlânin, he Award hian Memento bakah Principal in mimal sum atanga a tum pawisafai Rs. 10,000/- a keng tel a. GSC Principal chuan nu leh pa zingah an fate vanga hlim leh an fate vanga lungngai an awm thin thu sawiin, Lalhmingchhuanawmi nu leh pate chu tih takzeta an tawngtai thin vanga fanu fel an nei nia a rin thu leh Zirlai naupang dangte chu hun lo kal leh turah he Award hi dawn tuma tan la tur leh tumruhna leh thawhrimna nen chauh he Award hi a dawn theih tih hriaa mahni inthununna nena dawn ngei tum theuh turin a chah a ni.


Govt. Serchhip College-a Asst. Professor Zairemmawii kaihhruaia he hun hmanna ah hian Dr. Lalrinchhani, Chairman, CCA Committee chuan 2022-23 Session chhunga an College hmalakna leh chetvelna hrang hrang a tarlang a, hemi hnu hian kum 2022-23 chhunga an College zirlai zinga zirna lam leh kawng danga che thate hnenah Award hrang hrang sem chhuah niin Subject hrang hranga titha ber te hnenah MCTA Award hlan an ni a. Scholarship Award chu infiamna lama titha ber thlanchhuah mipa leh hmeichhia hnenah hlan niin NSS hmalakna a titha ber hnenah NSS Award hlan a ni a. Student of the Year atana thlan mi pakhat hnenah chawimawina hlan niin SDG Symposium Winner Team leh 21st MZP Sports Table Tennis (Women)-a Winner Team te hnenah chawimawina hlan an ni bawk a ni.

Govt. Serchhip College hian nizan hmasa a Aizawl-a zawhfel tak ‘PMJVK Inter College Quiz 2023’ ah pathumna dinhmun luah bawkin he intihsiakna ah hian Govt. Serchhip College aiawhin Vanlalzawni (3rd Semester BA) leh Lawmsangzuala (1st Semester BA) te an tel a ni.

@@@@@



Govt. Serchhip College-a Award hrang hrang dawngtute :


MCTA Award :

1) F. Lalremzuali, Pol. Sc.

2) Lalhmingchhuanawmi, English

3) Laltluangzela, Economics

4) RC Laltanpuii, History

5) R.Zomuanpuii, Education

6) Zodinpuii, Geography

7) Laltluangliani, Mizo

8) Lallawmzuali, Botany

9) C.Lalmuanpuia, Zoology

10) Lalremmawia, Mathematics

11) Huntharmawia, BCA

NSS Award :

Huntharmawia, BCA

Scholarship Award :

Best Girl - Rualthankhumi

Best Boy - Felix

SDG Symposium Winner Team:

Laltluangliani

C. Lalnunpuia

VL Hruaitluangi Sailo

Jennifer Lalnunkimi

PC Lalhmingsangbera

Lalmalsawmi

Joel Lalmalsawma

Lalbiakkima

21st MZP Sports Table Tennis (Women) Winner Team:

Lalrinkimi

Zothanmawii

V.Lalhriatzuali

Principal Award :

Lalhmingchhuanawmi

Student of the Year: 

VL. Hruaitluangi Sailo, Zoology

Comments

Popular News (Last 30 Days)

Bawngchawm tlang khualbuk rawktu nia hriat mi 2 man