Inthlan puan hma House to House Campaign theih

Mizoram MLA inthlanpui lo awm turah Mizoram People’s Forum (MPF) leh Political Party te thawhona thuthlung chu a pumpuia hman tura pawm a nih tawh laiin House to House Campaign phal loh erawh Inthlan hun puan atanga hman tan turin MPF leh Political Party aiawh kalkhawmten an pawm.

Inthlan chungchanga MPF leh Political Party thawhhona thuthlung hman hun chungchang hi Inrinni khan MPF leh Political party aiawh theuhte chuan Aizawl-a Synod Committee Room-ah an tichiang a, an thutlukna ang chuan Thawhhona Thuthlung pumpui hman hun atan MPF leh Political Party ten Thawhhona Thuthlung an lo pawm tawh ni, February ni 28, 2023 nise an ti a, hetihlai hian Thuthlung No. 2-na a House to House Campaign phalloh chungchang erawh chu Election Commission of India in Inthlan hun a puan atanga hman tan nise an ti a ni.

MPF General Hqrs. President, Rev. Dr. C. Chawnghmingliana chuan Thawhhona Thuthlung hman tan hun chungchangah Party thenkhat ten an hriatchian loh thil a awm avangin thuthlung an hman tan hun chu tihchian leh a ni tih a sawi a, Thawhhona thuthlung No. 2-na a House to House campaign phalloh chungchang erawh party tam zawkte duhdan leh ngenna angin ECI-in inthlan hun a puan atanga hman turin an thuthlung chu an tidanglam ta tih a sawi a, inthlan puan atang chuan House to House Campaign phal a nih tawh loh tur thu a sawi a, Political Party tinte chu an thawhhhona thuthlung ngai pawimawh theuh tura chahin, Thawhhona Thuthlung chu 'Thuthlung' a nih avangin MPF chauh kenkawh tur nilovin party lam pawhin mawh an phur tih sawilan a ni a,, Thawhhona Thuthlung a chuang te pawh party te rawtna atanga lo lut tam tak a awm tih sawi lan a ni bawk.

Tun tuma thutkhawm ah hian Political Party hrang hrang - BJP, MPCC, PC leh ZPM aiawh mi 2 theuh leh MNF aiawh mi 3 an tel a; MPF Governing Board Member 17 an tel bawk a ni. 

Comments

Popular News (Last 30 Days)

LPG man bithliah thar