Agri. Minister in Buyer Seller Meet a hmanpui

Agriculture Minister C. Lalrinsanga chuan nimin khan Aizawl-a Miliennium Centre inchung zawl-ah loneituten tharchhuah atanga siam thil chi hrang hrang awlsam zawka hralh leh leina hun, IFAD-FOCUS te buatsaih Buyer Seller Meet 2023 chu a telpui.

Agriculture Minister chuan sik leh sa danglam ang zela loneitute tharchhuah sawngbawl sa tihral dan tur FOCUS te ruahman anga kalpui a nih thu leh MOVCD service provider te kaltlangin hetiang hun hi changtlung zawka kalpui mek zel a nih thu a sawi a, Agriculture Department hmalakna tarlangin, thlai vawn thatna, Cold Storage hmun 12 ah dah tuma hmalak mek a nih thu te, IFAD-FOCUS Mizoram Project kalpuina Mizoram District paruk-ah Farmer Interest Group (FIG) dinin, FIG te hi District Management Unit (DMU) kaltlangin tanpuina pek thin an nih thu leh an thlai tharchhuah ah Value addition leh processing an tih theih nan Innovation Fund leh Market Access Facility Scheme a awm thu a tarlang bawk.

Buyer Seller Meet-ah hian Aizawl chhung a thlai leh thei lama potential buyer hrang hrang 50 chuang tel tura sawm an ni a, FIG te hi potential buyer hrang hrang te nen indawrna hun leh sumdawnna chungchang a an inthlunzawm theih dan tur sawihona leh inbiak remna hun an nei thei dawn a ni.