Damdawi In fai lawmman pathumna lak lawm

Mamit District Hospital-in Damdawi In fai thlanna, Kayakalp 2022-2023 a lawmman pathumna a dawn lawmna chu nimin khan neih niin Mamit bialtu MLA leh Roads & Infrastructure Development Board Vice Chairman Er. H. Lalzirliana chuan a hmanpui a, thawktute thawhrimna leh inpekna avanga faina kawnga inelna lawmman an dawng chu a lawmpui thu sawiin, Building hlui zawka lawmman lak theih a nih chuan Hospital building thar sak zawh tepah phei chuan lawmman hlu zawk an lak theih ngei a beisei thu a sawi bawk.

Kayakalp Award hi Mizoram puma Sorkar Hospital-te faia inelna niin Mamit District Hospital hian kum 2015 khan lawmman pathumna a lo dawng tawh a, hemi hnu hian kumin hi an dawn lehna hmasa ber niin Kayakalp Award denchhen hian District Hospital hnuaia thawkte hmasawnna lawmman/Award siam a ni bawk a, Best Staff Nurse-ah Lalhlimpuii Hmar chu thlan niin Best Supporting Staff Award chu Linda Zonunsangi'n dawngin, Best Group D Award pawh R. Lalnunmawii hnenah hlan a ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man