IAH Thenzawl-ah Pancha-karma Therapy la tam

Mizoram-a ramhmul damdawi - Panchakarma Therapy hmanga hriatna thazam, (nerve) leh ruh lam tha lo enkawlna awmchhun Integrated Ayush Hospital (IAH), Thenzawl-ah Panchakarma Therapy hmanga enkawl mi 519 an awm tawh.
Thenzawl-a Integrated Ayush Hospital-ah hian kum 2019 atang khan Panchakarma Therapy hi kalpui tan niin, Covid hrileng vanga hun engemaw chen a khaihlak hnuah Covid hri leng a ziaawm hnu atangin pangngai taka kalpui leh a ni a, mipui ten an hlutin pantu pawh an pung sawt hle niin thawktute chuan an sawi a, Damlo enkawl zinga a tam zawk mi 273 te chu Hospital-a admit an ni a, kumin January atanga July thla chawhma lam thlengin Therapy la mi 158 an awm tawh a ni.

Panchakarma Therapy hmang hian nerve lam thalo te enkawl ber an ni a, ruh lam fello te, Post Stroke, rilru lam fellohna thenkhat - Anxiety leh Insomnia te enkawl thin ni bawkin, damlo tana a tul dan azirin Yoga hmanga enkawlna pawh kalpui a ni bawk. IAH Thenzawl-a Panchakarma Therapy bikah hian Doctor training chhuak mi 2 bakah thawktu dang engemaw zat an awm a, ramhmul damdawi leh tuihu chawlhpawlh hmanga damlo enkawlna khawl pahnih - Nadi Swedan leh Baspa Swedan (Steam Bath) te an nei bawk a ni.

Comments

Popular News (Last 30 Days)

LPG man bithliah thar