Sector Officers leh Sector Police Officers training nei
Mizoram in Assembly inthlanpui a hmachhawn turah hian Serchhip District-a Assembly Constituency pathum chu Sector 10-ah then niin hemi atan hian Sector Officers tur mi 10 leh Reserved mi 2 ruatchhuah an ni a. Hemi rual hian venhimna chungchanga hmalakna atan Sector Police Officer mi 10 ruatchhuah an ni bawk.
.jpeg)
Heng Sector Officers leh Sector Police Officers te tan hian nimin khan Serchhip DC Meeting Hall-ah an hnathawh dan tur inzirtirna neih a ni a, he hun hi Serchhip Addl. DC James Lalni-thanga chuan hmanpuiin Serchhip Election Officer Lalrinsanga Hnamte leh SDO (Sadar) Rebecca Laldinmawii Hrahsel te chuan zirtirna an pe thung a ni. Heng Sector Officers leh Sector Police Officers te hi inthlanpui atana an hnathawh tur hrang hrangte hrilhfiah an ni a, a hmasa atan an huam-chhung theuha Polling Station te tlawhin a building dinhmun leh Vote thlakna atana hmang tura mamawh te a awm kim leh kim loh te an enfiah vek dawn a ni.
Kumin kumtawp lamah Mizoram Assembly inthlanpui neih tura ngaih a nih avang hian inthlanna a Duty tur hrang hrangte chu tunlai hian ruatchhuah mek an ni bawk a ni.
Comments
Post a Comment