Mizoram zirna pualin TV Channel 2 hawn a ni

/

School Education Minister Lalchhandama Ralte chuan Mizoram tan PM eVIDYA DTH TV Channel pahnih chu Inrinni khan a hawng.

India rampum tana Education pual liau liaua Ministry of Education, Govt. of India in a duan TV channel 200 chuang chu Inrinni khan a ruala hawn a ni a, heng TV Channel te hi India ram puma zirlaiten zirna inang leh intluktlang an dawn theihna tura ruahman niin, One Class One TV channel tih thupui hmanga duan a ni a. Mizoram chuan TV channel 2- Elementary Level tan ‘Zirna Kailawn- Learning Ladder’ leh Secondary Level tan ‘Zirna Lamtluang- Learning Pathway’ te a ni ang.

Heng Channel te hi DTH TV kaltlangin PM eVIDYA MZ128 leh PM eVIDYA MZ129-ah te bakah YouTube-a SCERT Mizoram Zirna Kailawn- Learning Ladder leh SCERT Mizoram Zirna Lamtluang- Learning Pathway-ah te live stream a ni thin dawn a, englai pawha en reng theih tura chhawp chhuah a ni ang. Heng TV channel enkawl hna hi State Council of Educational Research and Training (SCERT) kutah a awm a, State Coordinating Agency atana ruat a ni a, a chhuah tur content buatsaih pawh an kutah a awm ang.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »