Road Protection Squad te hmalakna bawhzui zel

Serchhip District Road Protection Squad te chuan tunlai hian Serchhip khawpui chhung Veng hrang hrangah an hmalakna kal mek bawhzui hna an thawk.
Serchhip District Road Protection Squad te hian kum hmasa lamah Serchhip-a Veng hrang hrang tlawhin Vantlang kawngpui nek-a bungrua leh thildang dah te enfiah hna an lo thawk tawh a, heng Vantlang kawngpui nek-a bungrua leh thildang dah te hi senghawi tura hriattir an nih tawh hnuah heng hmalakna bawhzui dan hi tunlai hian enfiah a ni a. Hemi atan hian Veng hrang hrang tlawh tur Group pali (4) siam niin SDO (Sadar), DUDO, DTO leh SDPO te chuan heng Group hrang hrangte hi an kaihruai a ni.


Tun tumah hian enfiahna hmasa neih tawha lehkha an lo pek tawh ten hma an lakna enfiahin Team hrang hrangte hi July 2023 chhunga enfiah tur leh an report te pawh thuneitu sang-a thehlut tura tih an ni a, IOC Veng, Leisang Veng, AOC Veng, P&E Veng, Chanmari Veng, Field Veng leh Chhim Veng te enfiah tur niin heng Veng hrang hrang enfiahna ah hian Village Council leh YMA ten an lo tawiawm bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar