VC/LC by-election neih hun tur SEC in a puang

Mizoram State Election Commission (SEC) chuan Mizoram hmun thenkhata Village Council leh Local Council by-election neih hun tur nimin khan a puang.

State Election Commission in nimin-a by-election neih tur a puan te hi Lai Autonomous District Council huamchhunga 32-Nghalimlui (1 General Seat), 47-Dumzautlang (1 General Seat), 50-Kakichhuah (1 General Seat), 59-Chamdurtlang-II (1 General Seat), 65-Kawnkhua (1 General Seat & 1 Reserved Seat), 67-Electric Veng Lawngtlai (1 General Seat) leh 68-Lawngtlai Bazar (1 General Seat) VC te; Hnahthial District-a Bualpui V Village Council thiah (dissolved) a nih avanga hmun ruak hnawhkhahna tur leh AMC huamchhunga Luangmual leh  Salem Veng Local Council member pakhat ve ve-te hmunruak hnawh-khahna turte a ni a. Heng inthlanna neihna tur chuh tumte tan hian August 1, 2023 thleng hming pekluh theih a ni anga, August 22-ah mipui ten Vote thlakin Vote thlak zawhfel a nih veleh Vote tla te hi chhiar nghal tur a ni dawn a ni.