Beneficiary zatve in tanpuina a full in dawng dawn

Family oriented SEDP kalpui turah a thawhkhatna ah Constituency tina beneficiary thlanchhuah atangin a zatve (50% of beneficiary) te chu puihna a full-a dawng tura ruahman a ni.

Nimin khan SEDP Governing Board chu CM Conference Hall-ah Chief Minister Zoramthanga hova thukhawmin SEDP kalpui tura thil pawimawh hrang hrang an sawiho a, SEDP Governing Board Meeting-ah hian Family oriented SEDP Programme tlangzarhna State pum leh District tina buatsaih thuai rel niin State Level-a tlangzarh hnuah a tahtawla District Level a Launching Program buatsaih nise tih a ni.

He Family oriented SEDP hi a thawh khatna (first installment)-ah hian Constituency tina beneficiary thlanchhuah atangin a zatve (50% of beneficiary) te chu puihna a full in dawng tura ruahman niin, a thawh hnihna ah a bak zawng hnena puihna pek leh tura rel a ni a. Beneficiary te hnena tanpuina sum transfer chu Department-te mawhphurhna a nih angin an District Office theuh te kaltlanga pechhuak turin Department ten ruahmanna an siam thei ang a. Hemi atan hian Department-a District Office chuan an awmna District Level SEDP Committee hriatpuina in hma an la dawn a ni.