Lenkawl

Mizoram Journalists’ Association (MJA) Serchhip District Member te chuan nimin khan New Serchhip Lungrual ram-a bawlhhlawh tawih thei lo sawngbawlna hmun chu tlawhin helai hmuna hnathawh dan te an zawtfiah a. Helai hmuna bawlhhlawh dahkhawm a nih dan chu tha tawk lova an ngaih thu an sawi.

Mizoram Carrom Association (MCrA) leh Serchhip District Carrom Association (SDCA) te tangkawp buatsaih ‘Serchhip Carrom Invitation & Ranking Championship’ chu nimin khan New Serchhip YMA Hall-ah khelh tan a ni a, naktuk October 30-ah zawhfel tur…

Serchhip District Bawrhsap, Paul L. Khuma chuan nimin khan KRAM Infracon Pvt. Ltd. a thawktute chu a Pisa-ah kawmin Serchhip District-a National Highway-02 kawng khuar hnawh hna (patchwork repair) thawh mek chungchang leh an hmalakna te a sawipui.

Chief Minister Lalduhoma hova Mizoram Pro-Active Governance and Timely Implementing (Mi-PRAGATI) thutkhawm nimin-a neih ah 100 Bedded Serchhip District Hospital sak mek sawiho a ni a. PGCIL ten CSR Fund cheng vbc. 21 leh NESIDS Fund cheng vbc. 50 hm…

Serchhip District-a Family Pension la mek te enfiahna hun chu nimin khan neih tan niin Family Pension la te chu anmahni ngei an nih leh nih loh bakah Family Pension la thei an nih leh nih loh te enfiah an ni a, mi pathum te chu insawifiah tura tih an ni.

Chief Minister Lalduhoma chuan sawrkar hnathawkte chu eirukna laka fihlim tur leh ram mipuite chu eirukna leh hlemhletna do kawnga thawhpuiah sawmin, “Kalphung tha zawk nen eirukna kan do mek a ni,” a ti.

New Delhi-a cham mek Minister of State, Lalnghinglova Hmar chuan niminpiah khan Ministry of Skill Development & Entrepreneurship leh Ministry of Youth Affairs & Sports hotute kawmin Mizoram hmasawnna tura invest thei tur Company aiawh te a kawm bawk.

Art & Culture Minister C. Lalsawivunga chuan ‘Mizoram State Museum’ thar chu nimin khan a hawng.

Sawrkar hmalakna lian zualte hnathawh enzuitu, Mizoram Pro-Active Governance and Timely Implementing (Mi-PRAGATI) chu nimin khan Chief Minister Lalduhoma hovin CM Conference Hall-ah an thukhawm a, PWD Minister Vanlalhlana leh EF&CC Minister Lalthansanga te bakah Advisor to the Government of Mizoram Dr. Renu Sharma, GAD changtu Principal Secretary Sudhir Kumar bakah mi pawimawh dangte an tel a ni.

Higher & Technical Education Minister Dr. Vanlalthlana chuan nimin khan a Pisa-ah thuthar thehdarhtute kawmin Mizoram State University (MzSU) din a nih dan tur leh a Department hmalakna hrang hrangte a sawi a, MzSU Bill chu March ni 4, 2025-a pass a nih hnuah, a hmunpui chu Aizawl atanga sawnin, remchan zawkna avangin Lunglei-ah dah a ni ta a, hei hi February 2026 Mizoram State Assembly Session-ah pass nawn leh niin MzSU dinna tur hian Vice Chancellor leh Registrar la tura nominee zinga mi a inhnuhdawh avangin Search Committee din thar leh a nih thu a sawi. Dr. Vanlalthlana chuan MzSU atan hian post 71 siam a nih tawh thu leh post 21 lak phalna neih a nih tawh thu pawh sawiin, Post thenkhat chu lak tawh niin, a dangte pawh lak mek an ni a, Lunglei-a building luah tur tihfel a nih hnuah chak lehzuala hmalak a nih tur thu a sawi bawk.