Chief Minister in National Wildlife Week hawng

October ni 1 a\anga ni 7 thleng awh tur 63rd National Wildlife Week, 2017 hawnna chu nimin khan Assembly Annexe Building Conference Hall-ah Chief Minister, Lal Thanhawla hova neih a ni a, kumin hian Wildlife Week thupui atan, "People's Participation in Wildlife Conservation" (Nungcha humhalhna kawnga mipui tel ve na) tih chu hman a ni.

Environment, Forest & Climate Change changtu Minister ni bawk Chief Minister, Lal Thanhawla chuan tlangram loneih leh ramngaw hlutna hriat loh vang te leh nungchate chunga rilru put dan dik tawk loh avangin ramngaw leh nungcha humhalh kawnga hmalakna chu Mizoram-ah a sak hle tih a sawi a, Zahna leh inthlahrunna nei miah lova sapel, silai pu a ram vak hmuh tur an awm fo mai chu a rilru nat thlak thu sawiin, Lo, huan thlai ven nan leh mahni inhumhimna atana silai license dil ten an dilna millo a silai che leka dan an bawhchhiat avangin nunna chan an awm \hin chu pawi a tih a sawi bawk.

He hunah hian Principal, Chief Conservator of Forest (PCCF), Lal Ramthanga chuan ramngaw chereu zel leh mihring pung zel avanga ramsa te chenna a zim tial tial thu sawiin, April 2016 leh September 2017 inkar khan Ramsa seh leh beih tawk mi 41 an awm a; chung zinga mi 6 in nunna an chan a, mi 35 in hliam an tuar a. Nunna chan mi 6 zingah Savawm seh 1, Rulchuk 4 leh Khuaiseh 1 an awm thu a sawi a. Hliam tuar zingah Savawm seh 9, Rulchuk, 24, Sanghal tai 1 leh Ramsial sik 1 an awm thu a sawi a, Ramsa vanga hliam tuar leh nunna chan te hi zangnadawmna pek vek an nih tawh thu PCCF chuan sawiin, nunna chan te chu ralna chu Rs. 2,00, 000/- zel a nih thu a sawi bawk.

PCCF chuan May 2015 a\anga September 2017 thlenga Mizoram State Animal, Sazu pul hri vang thi zat chu 118 a nih thu sawiin, an natna chu College of Veterinary Science, Selesih mithiam te nen \angkawpa enfiah a nih thu leh Goatpox Virus vanga thi an ni tih chian a ni tawh thu sawiin, Autonomous District Council 3-ah Saza thi report a awm loh thu a sawi a. Wildlife Protection 1972 hmanga ramsa tihlum hremna chu Kum 3 a\anga kum 7 thleng lung In tan a nih thu leh October 2016 a\anga September 2017 thlengin Case 8 chiah siam a nih thu a sawi bawk.

Central Sorkar in State tin te hnenah an State zau zawng a\anga teh a 10% \heuh ramsa humhalhna hmun atana siam tura thupek a chhuah bawhzui nan Mizoram-ah 8% tlin a ni \ep tawh tih pawh PCCF chuan sawiin, Wildlife Sanctuary bulhnaia awmte sawnchhuahna scheme, Village Reallocation Scheme hmangin Thorang khaw chhevel a In 61 sawnchhuah tur zinga 55 chu sawnchhuah tawh a nih thu leh zangnadawmna chhungkaw pakhat zelah Rs. 10,00,000/- pek a nih thu a sawi bawk.