Mizoram-a thisen pek zingah a thlawna pek pung

Kum 2016-17 sorkar kum chhung khan Mizoram-a thisen pek zawng zawng chu Unit 25,895 niin heng zinga za zela 83 chu a thlawna pek a ni.

Mizoram States AIDS Control Society (MSACS) leh Association for Voluntary Blood Donation (AVBD) huaihawta nimin a National Voluntary Blood Donation Day puala inkhawm Aizawl-a neih a tarlan a nih danin kum kalta chhunga Mizoram-a thisen pek zawng zawng a\ang hian Pawl hrang hrangte thisen pek zat chu - Kohhran \halai hminga pek zat Unit 8,416, Zirna-in te'n an pek Unit 3,986, YMA-in an pek Unit 1,988 leh Pawl dang hrang hrang pek Unit 2,308 bakah mimala pek (individual donor) Unit 5,140 a ni a. Tunhnaiah a thlawna thisen pek hi Mizoram-ah a sang chho leh mek a ni.