Right To Information Week, 2017 hawnna Mizoram hmun hrang hrangah neih a ni

Mizoram Information Commission leh Information & Public Relations Department, RTI Nodal Department te \angkawpin an buatsaih Right To Information Week, 2017 chu nimin khan Chief Minister, Lal Thanhawla chuan Aizawl-ah a hawng a. Serchhip-ah pawh he Hapa hawnna hi nimin vek khan neih a ni bawk.

Synod Conference Hall-a RTI Week hawnna hunah hian Chief Minister, Lal Thanhawla chuan RTI Week chu Mizoram-ah kum 2011 a\anga hman \an tawh ni mahse mipui tam zawkin RTI hman \angkai dan an thiam na tur leh hman a \ulna te an hriat zau zel nan la hman chhunzawm a nih thu a sawi a, RTI hnuaia zawhna te chhan chu Officer-te hnathawh kalphung pangngai a nih thu sawiin, mipui ten sorkar hnathawk te hna chuangliam an siamsakna a ni lo tih an hriat a \ul thu a sawi a. RTI hmanga thudik haichhuah chuan mimal intihhmingchhiatna lam a kawh loh thu leh thil \ha duh vanga siam\hat tumna leh thil nihna dik tak hailanna lam a kawk zawk tih a sawi. Chief Minister chuan sorkar tan chuan RTI chu huphurh a hnehin thlawp awm tak a ni zawk tih sawiin, RTI chu mipui te hnena sorkar hnathawhna chanchin chiang leh zawka hmuhtir leh bihchian tirna hmanraw \angkai tak a nih thu a sawi a. Hrechiang lova selna \awngkam neih nghal mai ai chuan RTI tarmit a\anga bihchian hmasat phawt chu a finthlak zawk tur leh kan vaia tana hlawkpui tur zawk a nih thu a sawi bawk.

Aizawl-a RTI Week hawnna inkhawm ah hian tunlai thiamna hmanga duan, RTI hmalakna a thil thar, Mizoram RTI Online, Desktop Computer leh Mobile phone te at\nga internet hmanga RTI zawhna Sorkara thehluh theihna chu Chief Minister, Lal Thanhawla chuan \angkai zawk leh ngampa zawka a mipui tam zawkin RTI an hman \angkai theih nan a hawng bawk a, Computer Desktop hmangin RTI zawhna sorkar hnena thlen duh te chuan internet browser-ah rti.mizoram.gov.in tih chhulutin dilna an thehlut thei a, dilna fee pawh online kaltlang hian a pek theih nghal a ni. Mobile hmangtu te chuan an internet kaltlangin Google Playstore-ah Mizoram RTI online app download in install leh phawt a RTI zawhna thehluhna atana hman theih a ni thung. rti.mizoram.gov.in hi tunah hian hman theih tawh niin Secretariat-a DAA, SPIO, SAPIO, MIC biak pawhna tur dahluh tawh a ni a, Directorate, District Office hrang hrang, NGO leh a dang te pawh dahluh mek zel a ni.

Serchhip-ah pawh RTI Week hawnna hi nimin vek khan Serchhip DC’s Conference Hall-ah neih a ni a, he hun hi Serchhip District Bawrhsap mawhphurhna la mektu Chuauhnuna, Addl. DC chuan khuallian nia hmanpuiin Right to Information Act tluka langtlang inrelbawlna min neih tir thei dan \ha dang a awm chuang lo tih a sawi a, he Dan hmang \angkaia, thil \ha tih nana hman uar deuh deuh a pawimawh thu sawiin, Sorkar hnathawk, mipui sum hmangtute pawhin mipuite kuta thuneihna awm nasat ziate, kan Notesheet thlenga an bih ve vek theih tawh zia hre chunga hna an thawh \ul thu a sawi a. Zep ruk leh thil thup a awm thei tawh lo tih a sawi bawk.

Khuallian hian RTI Week, 2017 puala College Student te tana RTI Hoarding Slogan Writing Competition-a Serchhip District bika lawmman dawngtu Gospel Vanlalduhsaka, 5th Semester, B.A, Political Science Department, Govt. Serchhip College hnenah Citation leh pawisafai a hlan nghal a ni.

RTI Week hawnna puala inkhawm hi Serchhip District Information & Public Relations Officer, K. Saitluanga, MIS chuan kaihruaiin Beitlotha Nohro, MCS, SDC chuan RTI Act chung-chang Power Point Presentation hmanga sawi-fiahna a nei a, chumi hnuah kalkhawm ten RTI chungchanga zawhna hrang hrang an neih te zawtin, an hriatchian duhte zawhna hun an hmang zui a. Sawihona hrang hrangte neih zui a ni bawk.