SEC \hutkhawm neih a ni

Serchhip Sub-Hqrs. YMA Serchhip chuan nimin khan Executive Committee \hutkhawm neiin tun thla ni 17 a\anga YMA General Conference vawi 81-na Champhai Zotlang-a neih tur chungchang leh an hmalakna hrang hrang an sawiho.

Serchhip Sub-Hqrs. YMA Executive Committee Meeting an President, R. Sang-hmingthanga kaihhruaia neih ah hian tun thla ni 17-19 chhunga Champhai Zotlang-a YMA General Conference vawi 71-na neih turah YMA Dan bu in Sub-Hqrs. a\anga Palai mi 10 ruat a phal angin mi 10 ruat an ni a, heng mite bakah hian Sub-Hqrs. OB te pawh Palai an ni nghal dawn a ni. He Conference a kalna tur lirthei a harsatna nei Branch te chu tunkar chhungin Sub-Hqrs. YMA Office ah in hriattir turin an ti bawk a. Heng Branch te tan hian a \ul angin lirthei ngaihtuah a ni dawn a ni.

Hei bakah hian Serchhip Sub-Hqrs. YMA hnuaia Education and Youth Affairs Committee in RUSA nen \angkawpa Serchhip District chhunga Education Campaign an neih mek report ngaithlain ruahmanna awmsa anga campaign neih lehna tura tih pawh chhunzawm zel nise an ti bawk a. Education Campaign hi North Vanlaiphai leh Thenzawl-ah te neih ni tawhin tunah hian District chhunga khaw pathum, Biate, East Lungdar leh Chhingchhip-ah te neih leh tum a ni a, a kharna hun hi Serchhip-ah neih leh tura ruahman a ni.

Nimin a SEC \hukhawm hian Sub-Hqrs. Fin. Secretary, Thangngaizuala'n a nihna a\anga banna a thehluh chu an pawm a, a aiawh tur erawh ruat nghal lovin Committee hmasa in alo rel tawh angin Sub-Hqrs. YMA Asst. Secretary in Fin. Secretary mawhphurhna hi lo hmui rih se an ti bawk.